ARUPHUA DỊ OSIGHẸ SIPHẸ EKPO-ONHỤ PHỌ ENAẠN | LUK 8-9
Udạph Imị—Rewạ Eeghe?
Orue osighẹ enhạm kụ owulhom esi dị kemaạr esel, pọ ke/wạ mọ opọ aphạm bọ esuạ phọ akiton ghan aphogh omhạn. Iniin phọ kẹn ni, kụ edị i/wạ dị onyọ aKristẹn kameera araraạr aḅirinhi phọ odị mawilhẹ yogh bọ keḍạ nyodị esighẹ.—Fil 3:13.
Yira osoman iiḅaghamhị, redugh ghan agey ootughiạn ‘igbaany mem dị araraạr enhighẹ,’ eeni mem mọ yira ko/nhaghạn bọ igey phọ. Reḍighi iduọn phọ, bịn mekọm ḍiitughiạn oḅẹm mọ ibo dị yira omhoọgh ghan igbaany kụ ipu iiḅaghamhị dị yira osoman ghan. Ipẹ kụ idị abuọ Izrạl phọ ootughiạn ghan mem mọ bidị oḍuạ bọ Ijipt. (Nu 11:5, 6) Yira orolhonhaạn ghan iitughiạn phọ ipẹ phọ, ketue ni inyu iyira oḅulha aḍigbaany adọl aghuḍum m’ayira. Idị enhighẹ oḍighi ghụn, p’ogbiran ghan aḍisẹph phọ yira rokelhọm bọ nyiidiphọ, kụ ogbon ipẹ retu bọ ghisigh, eeḍiạn Omhạr phọ Enaạn.—2Kọr 4:16-18.