Aḍidogh Ooḅi Onyọ ASameria Phọ

10:25-37

Aḍidogh phọ aJizọs iḍighi ophagharanhaạn aḍipuru phọ aḍiẹn mọ: “Anhiạn kụ amatuman phọ amị?” (Luk 10:​25-29) AJizọs alhegheri ni mọ ookpomhoghan aKristẹn phọ kopighi bọ kaḍighi ni olọ “oomo awe,” iduọn phọ pọ​—keḅarạm ni buọ aSameria r’aḅuọ Areelhe phọ. (Jọn 12:32) Aḍidogh phọ aḍiẹn itughemhị bumatuạn phọ mọ bidị olhọgh inyaạm oḍeenhaan ghan ephomhoghiạn bunhọn, ghalhamọ rabulọ oḍighi ni buọ enhọn ekpisi.

PURUAN LOOR ANẠ:

• ‘Mị rasighẹ ghan ika bumor r’abumaranhi dị oḍighi buọ inhọn arikpisi?

• ‘Mị ragbor ghan ni karolhạn r’abuẹn mị alhegheri bọ ilọ abidị bịn ḍughụm?

• ‘Mị katue ni amiteom eepoogh olhegheri aani agey bumor r’abumaranhi dị oḍighi buọ enhọn ekpisi?’ (2Kọr 6:13)

Mị kaḅenhị mọ . . .

• urelhean imhị epẹ erugh phọ

• aru k’amhị olhe eḍien

• aru uḍighan iyoor mem lọ yoor oḅilhẹ ropạm Ituughạ Eghun Otu