R’iyaạr I/pe

AJizọs rongọ bọ eḍien phọ 5,000 awe eten iiḍaạny phọ, eḅarạm bọ ni nmariịr r’anmụny, odị aḅenhị bumatuạn phọ odị mọ: “Isọn ipoḍi phọ. Ke/meera r’enụm ephe.” (Jọn 6:12) AJizos aḍeenhaan mọ onọ asereghiạn ni eḍien phọ aJihova amiteom bọ, esi iduọn odị u/meera bọ mọ r’enụm ephe.

Ḍio arodon, Aloor phọ Repogh bọ Ookpomhoghan phọ rokparaghạ ghan otuughaạny aJizọs, esi omaạr oḍighinhom araraạr ookpomhoghan phọ. Esi omaạm, mem mọ rolọgh bọ emhụ agadạ phọ epẹ Warwick, New York, abumor phọ umhaạr osaḅạr emạ eten olhọgh aruutu dị emhoon kụ ke/sighẹ iboom ikpoki, obọ kosạr ghan bọ ikpoki phọ abumor phọ osogh bọ.

YIRA KOḌIGHI IKA KỤ IYAẠR K/EPE . . .

• 

  mem lọ yira odi ituughạ?

• 

  mem lọ yira osighẹ ḍinyạ ḍiọ ayira? (km 5/09 3 ¶4)

• 

  mem lọ yira rosighẹ rinyạ omitenhom erugh? (mwb17.02 4 ¶1)

• 

  mem lọ odi epẹ erugh phọ? (mwb17.02 4 ¶2, r’igbe phọ)