ORỌL GHAN ADỌL ONYỌ AKRISTẸN
Kiọm Ghisigh Akori Ghan R’okparạm
M’ebia ni nạ amhiigh bọ okori dị Omhạr Enaạn katu ḍughụm? Nạ akparạm ni rakori etigheri ḍikparamhinheẹn? (Rom 8:25) Abuniin aKristẹn osoman ni mulọgh ḍien, igbiphoghọm, odiigh ni ikoli, abunhọn kẹn osoman ḍuugh. Ibadị abunhọn odimhom e/moon dị re/soph ghan obobọ aḍikpọ.
Eeghe kụ kilhoghonhaạn iyira ḍighaạgh oghiọm aghisigh okori ghan eeḍiạn odẹgh ophogh? Yira kokparamhị omeeraam mọ ayira esi aạl ghan aBaibul phọ ḍio etum ḍio, kụ ogbirima ghan. Ogbon oḍuom ologhi phọ ayira. (2Kọr 4:16-18; Hib 12:2) Ooḅereghị ghan olhọm aJihova iikpọ uwaloor iigbia phọ odị. (Luk 11:10, 13; Hib 5:7) Odẹ ephomoghiạn phọ ayira k’uloghonaạn ni iyira ḍighaạgh “osighẹ oḅaạl ologhi kụ orolọm adọl okparạm ghan amem iminimiịn.”—Kọl 1:11.
IPOGH VIDIO PHỌ YIRA OMOỌGH ‘OGHIIL EGHIIL PHỌ R’OKPARẠM’—ḌUOM-OLHOGHI OMOỌGH ARUUNMO PHỌ, KỤ EPHANYANHAẠN SIPURU PHỌ EDAPHẠN BỌ SIẸN:
Eeghe “araraạr dị olhoghi u/seere” kụ ketue emite siẹn aghuḍum mọ ayira? (Ec 9:11)
Iiḅereghị k’ilhoghonhaạn iyira ika ḍighaạgh mem dị yira osoman odẹgh ophogh?
Eḍighi maạr lọ yira u/tue mun u/ḍighi ipẹ yira oḍighi ghan bọ, eeghe kụ iḍighi kụ yira k’ogbon bọ ipẹ yira kotue bọ oḍighi?
Gbon ruunmo phọ
Eeghe kụ relhoghonhaạn nyinhạ ḍighaạgh ophamanạm oḍuom olhoghi mọ nạ kamoọgh ni ruunmo phọ?