Igey Iiḍighi Dị Ko/bulha

Oomo arebenhẹ aZihova kotue ni oḍighinhaan nyodị iiḍighi dị kootughianhạm ghan. Idiphọ odẹ obobọ onhiin dị aphomhoghiạn nmụny odị ka/bulha bọ imạ iiḍighi anmụny ph’odị, aZihova ka/bulha oḍighi phọ yira oḍighi bọ, ḅilhẹ r’ephomhoghiạn phọ yira omhooghọm bọ nyodị. (Mat 6:20; Hib 6:10) Okạr agey, asighalhanyạ r’asidọl phọ egbaranhaạn ni. Ghalhamọ r’iduọn phọ, yira oḍighi k’ikparạ k’ikpuru ayira okumu aZihova, pọ yira komoọgh ni ibo. (Gal 6:4; Kọl 3:23) K’amem dị mebia ni iboom, asimuunịr abumor r’abumaranhi rokumuan ghan ni epẹ Betẹl. Nạ katue ni amiteom loor okumuan aani epẹ Betẹl ḍughụm? Eḍighi maạr lọ i/dugh, nạ katue ni aloghonhaạn ḍighaạgh bunhọn oḍighi iduọn phọ obobọ bulọ roḍighi oghiọm aghisigh?

POGH VIDIO PHỌ MITEOM LOOR ANẠ OKUMUAN AANI EPẸ BETẸL, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe kụ kenyu nyinha oḍigh arukumuan aBetẹl?

• Ighẹn araraạr kụ edị awe m’oghaạph ilọ aḍisẹph dị edi okumuan epẹ Betẹl?

• Ighẹn kụ araraạr dị kopogh omhiịn mọ nạ asianhaan ni okumuan epẹ Betẹl?

• Nạ kaḍighi eeghe eḍighi maạr dị nạ rawạ okumuan aani epẹ Betẹl?