AZihova Apomhoghiạn We Oḅaạl Aloor

‘Tootolha righaạgh anạ. Ḅaalhamhị osoph anạ. Ḅeer otu phọ. Kiạ azu iinyạ phọ.’ Ibadị aburudẹ r’aburuniin rotughemị ghan ni ibạm anmụny abidị ilọ oḅaạl aloor. Toroboiperolbọ, oghaạph oḅaạl aloor phọ aḍuạ esi Enhaạn aruukuan phọ kụ aru. (Ex 30:​18-20; De 23:14; 2Co 7:⁠1) Mem dị aloor r’araraạr emhoọgh phọ ayira kụ eḅaạl, pọ yira rokueni ghan aZihova. (1Pit 1:​14-16) K’okaạph ika ilọ ologhi otu r’amarugh phọ ayira? Idị egbạgh r’awe dị rotebeneghi ghan raraạr ikol areten r’asipạk, aKristẹn rokparaghạ ghan ipẹ bidị kotue bọ oḅaalamị ade phọ. (Ps 115:16; Ogan 11:18) Ghalamọ esi ibạm araraạr, idiphọ ophogh esi bịn otebeeny aḍinyạ apipimẹnt, eeku amiim, obobọ aḍinyạ asingọm, bịn ketue ni eḍeenhaan eegharạ ayira ilọ oḅaạl aloor. Torobọ agạ aghuḍum mọ ayira, yira rowạ ghan “[oḍeenaan] mọ yoor roḍighinaan ghan Enaạn.”​—⁠2Kọr 6:​3-5.

POGH VIDIO PHỌ ENHAẠN EPOMHOGHIẠN WE OḄAẠL ALOOR, KỤ EPHANYANAẠN SIPURU PHỌ EDAPHẠN BỌ SIẸN:

• Eghẹn egbaạm kụ edị awe rongọ ghan loor e/⁠tue epạm araraạr emhoọgh abidị oḅalamị?

• Ika kụ idị olhogh phọ aMozis agananami ḍiitughiạn aZihova ilọ oḅaạl aloor?

• Ika kụ idị yira kotue okueni ḍien phọ aZihova ghalamọ ekpo onhụ yira u/ḅạ ni?