Ade Phọ Ikpegherenhu Kụ “Oomo Amuụm mọ Aḍiku”

K’amem dị mebia ni, abutooghiạ aḅirinhi phọ rologhonaạn ghan ni ḍighaạgh we phọ aZihova. (Ezr 6:1-12; Es 8:10-13) Ḍio arodon, yira romiịn ghan ni dị “ade phọ”—abutooghiạ aḅirinhi phọ dị osụ ologhi—rominọgh ghan oomo igbiphoghọm mọ ebụgh bọ ni iboom idiphọ “amuụm,” dị aSetan Eru phọ, enhạm oḍual arumhụ phọ, rakọm ghan. (Ogan 12:16) AZihova, “Enhaạn apelieẹny phọ,” eeni amem r’anyu ghan ni butooghiạ phọ ologhonaạn aḍighaạgh we phọ odị.—Ps 68:20; Pr 21:1.

K’okaạph ika, eḍighi maạr lọ olhọgh nyinạ ikoli loor omeeraam mọ anạ? Ka/moọgh iikia mughumọ aZihova ramiịn ni. (Ge 39:21-23; Ps 105:17-20) Legheri akuphom owol mọ nạ kamoọgh ni iikpiạ loor omeeraam mọ anạ ḅilhẹ kẹn mọ adọl aruukuan phọ anạ rekparamị ni bumor phọ, oomo isiẹn aḅirinhi phọ.—Fil 1:12-14; Ogan 2:10.

POGH VIDIO PHỌ MOSEERE BUMOR PHỌ OLHOGHOḌỊ BỌ IKOLI EPẸ KOREA, KỤ EPHANYANAẠN SIPURU PHỌ EDAPHẠN BỌ SIẸN:

• Utụ eeghe kụ ologhoḍị ghan bọ simuunịr abumor ayira ikoli epẹ South Korea esi ibadị asiạ?

• Ighẹn itọ dị otu iiruẹn ongọ kụ iḍighi iyaạr dị onuụn omiteom buniin abumor ayira ruutu ikoli?

• Ika kụ idị yira kologhonaạn ḍighaạgh bumor phọ ayira siẹn oomo aḅirini phọ oghol bọ omeeraam mọ abidị ologhoḍị ikoli?

• Yira k’oḍighinom ika torobọ eereẹgh lọ yira omoọgh nyiidiphọ?

• Anhiạn kụ akạr raaḅakị ghan raraạr kụ yira romoọgh ghan bọ akeel ruutu iiruẹn phọ?