ORỌL GHAN ADỌL ONYỌ AKRISTẸN
Boom AZihova Idiphọ Onyọ Okọy Eten
Awe phọ Izrạl umhoọgh ni igey ariphigh otuạn ooseeny aZihova. Odị m’amiteom bidị siphẹ Ijipt aḅilhẹ atagharạn bidị ḍighaạgh awe eghạm mọ aFero! (Ex 15:1, 2) AZihova akị ni ghisigh raḍighinhaan ghan we ph’odị iiḅi. Yira koḍeenhaan ika mọ yira r’osereghiạn ni?—Ps 116:12.
Eniin eten pọ osighẹ aani okọy eten opọ ekulha amem mọ obobọ opọ oomo amem mọ. Nạ katue ni alọm aZihova ongọ anạ eephuạ, ḅilhẹ r’inyaạm okumuan aani idiphọ okọy eten. (Fil 2:13) Ibadị romiighom ghan okọy eten opọ ekulha amem mọ. Nạ atue ni asaḅạr ongọ 30- obobọ 50-awạ runwanyụ aMarch r’April obobọ unwanyụ dị opoghom eghir phọ aru. Mem dị nạ aanemạ amhiịn ibo phọ edi ghan bọ okọy eten ekulha amem, eeni kenyu ni nyinhạ olhọgh inyaạm oḍighi aani okọy eten opọ oomo amem mọ. Ghalhamọ r’awe dị roḍighi ghan oḍighi Mondi kụ esi Fraidee, obobọ odi e/moon, m’orue ni oḍighi aani bukọy eten oomo amem. (mwb-E 16.07 8) Okạr agey, aZihova asi ni amanhanhaạm dị yira kotuạn olọgh ikuph ooseeny!—1Ch 16:25.
IPOGH VIDIO PHỌ IRAẠR ABUMARANHI EPẸ MONGOLIA, KỤ EPHANYANAẠN SIPURU PHỌ EDAPHẠN BỌ SIẸN:
Ighẹn ipaanhaạn kụ edị iraạr phọ abumaranhi phọ abuẹn okpạr opu orue oḍighi abukọy eten oomo amem?
Eeghe aḍisẹph kirokirọ kụ edị bidị m’omhoọgh?
Ighẹn aroopoogh arukumuan kụ edị bidị omhoọgh loor iduọn bidị oḍighi bọ bukọy eten oomo amem mọ?
Ika kụ idị eḍeenhaan phọ abidị etir bunhọn?