Iḍoọgh—Nyinha Esighẹ Ni AZihova Idiphọ Ogbogh Oyaghirị Anyinha?

Ighẹn araagharạ kụ edị nạ rawạ ghan esi oyaghirị? Dị iikia i/lo, nạ amaghamhị ni maạr eegharạ oḅạr, onmạ ighirigiir, ḅilhẹ r’onmo inmo. AZihova raḍeenhaan ghan ni raagharạ phọ iphẹn phọ. (Ex 34:6; Iiḍ 14:17) Odị ranaghạn ghan ni iiḅereghị anạ. R’alhoghonhaạn ghan nyinhạ ḍighaạgh mem lọ nạ awạ. (Ps 18:19, 35) Rasạr ghan kawilhenhaạn sipiomạn anạ. (1Jọn 1:9) P’eeghe ookiạ Oyaghirị dị aZihova aru!

Ika kụ idị nạ katue aḍighi oyaghirị aZihova? Tuughạ ilọ odị esi aạl ghan Ekpo-onhụ phọ odị. Ḅenhị ghan nyodị torobọ iyaạr. (Ps 62:8; 142:2) Ḍeenhaan mọ nạ amaghamhị ni maạr torobọ iyaạr dị emhạn maạr esi aZihova, idiphọ Oọny ph’odị, Omhạr ph’odị, ḅilhẹ r’aruguanhaan phọ odị ilọ aghisigh phọ. Ḅenhị bunhọn ilọ odị. (De 32:3) Nạ aghiọm ghisigh akparamhị siya phọ anạ r’aZihova, odị kaḍighi Oyaghirị anạ k’agee-pọ.—Ps 73:25, 26, 28.

IPOGH VIDIO PHỌ IḌOỌGH—“IINEMHẠ AZIHOVA EMHIỊN ENHIGHẸ PHỌ ODỊ” KỤ EPHANYANHAẠN SIPURU PHỌ EDAPHẠN BỌ SIẸN:

• 

  Nạ kaakolhobian ika osianhaan oḅọgh aloor ongọ aZihova kụ oḍiiny amuụm?

• 

  Abunhọn siphẹ ookpomhoghan phọ kolhoghonhaạn nyinhạ ika ḍighaạgh okumu aZihova?

• 

  Ika kụ idị omite ghan epẹ erugh phọ kekparamhị siya anạ r’aZihova?

• 

  Ighẹn aroopoogh arukumuan kụ edianhaan nyinhạ siẹn ookpomhoghan phọ?

• Nạ utụ eeghe kụ apomhoghiạn bọ aZihova?