Koph Pinien Phọ Anạ

Ikunyạn apinien phọ emạn ni maạr iboom esi aZihova. Kụ odị rawạ mọ olom r’anhịr phọ oḅophạn. (Mat 19:5, 6) Ibadị imạ areḍeenhaan apinien edi ni igbo awe phọ Enhaạn. Toroboiperolbọ, apinien o/lho dị amhunhughan. Iiḅaghamhị retọl ghan ni. I/wạ mọ yira omhoọgh aani ḍiitughiạn phọ edi bọ nyiidiphọ mọ okạ apinien obobọ ogbaranhaạn kụ rasiemhi ghan eekunha iiḅaghamhị apinien. Ika kụ idị aKristẹn kokoph pinien phọ abidị?

Ooḅeghiọn oogh areten dị emhạn maạr.

1. Ḅaaḅakị ekpom anạ esi oghel iḍọ r’ozaamhiạn aloor dị u/ḅaạl, ipẹ redughe ghan bọ ogọ apinien phọ.—Mat 5:28; 2Pit 2:14.

2. Kparamhị siya phọ anạ r’Enhaạn, kụ aḅilhẹ abughẹ eephuạ phọ anạ oḍighi idị eḅeeraạn nyodị siphẹ apinien phọ anạ.—Ps 97:10.

3. Kiọm ghisigh akpolhoghiạn ghan imhoom aroozọ phọ, aḅilhẹ aḍighi ghan ikpirikpirị araraạr dị keḅaalhamhị olhoghi opọ r’anạ aalhạn bọ.—Kọl 3:8-10, 12-14.

4. Ikaaphạn ghan r’olhọgh eegu.—Kọl 4:6.

5. Ḍighi ipẹ esi bọ nyinhạ r’eten ephomhoghiạn ḅilhẹ r’oyoghoyoghọ.—1Kọr 7:3, 4; 10:24.

Mem dị aKristẹn olhọgh eegu pinien, bidị rolọgh ghan eegu nyopọ Aphighi bọ pinien phọ, Zihova.

IPOGH VIDIO PHỌ YIRA OMOỌGH ‘OGHIIL EGHIIL PHỌ R’OKPARẠM’—KOOKO IILHOGH EGHIIL PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ghalhamọ apinien amhiigh ni imạ, eeghe ipaanhaạn kụ edị bidị kotue osomhan?

• 

  Asinhị-iilhogh aBaibul phọ keloghonhaạn ika ḍighaạgh oye dị alhoghoma mọ ephomhoghiạn i/lọ mun pinien onọ?

• 

  Ighẹn iilhogh kụ edị aZihova aphighi siphẹ apinien phọ?

• Dị apinien phọ kamoọgh ekol, olom r’anhịr phọ koḍighi eeghe?