ORỌL GHAN ADỌL ONYỌ AKRISTẸN
Arookpomhoghan Atorobọ Alhạ—Aroopoogh Oḍeenhaan Ephomhoghiạn
Uḍighi ika kụ yira rokelhọm ghan bọ rookpomhoghan eephugh phọ ayira? Idiphọ erọl bọ mem Izrạl iḍiodi phọ, arookpomhoghan eephugh phọ ayira ringọ ghan iyira eepoogh oḍighan abuḅaramạ omheeraam mọ ayira ooseeny aZihova. Yira rosereghiạn ghan ni iromhoghiom okparamhiọm asiya phọ ayira r’Enhaạn. Oḅilhẹ kẹn rosereghiạn ghan mem mọ yira rotọl ghan bọ r’arighirị ḅilhẹ r’asiya ayira. Iphẹn phọ rinyu ghan iyira oghị aani oomo iraạr aḍughul otu ookpomhoghan eephugh phọ.
Mem dị yira omhoọgh eepoogh ookpomhoghan r’abumor phọ ayira, ootughiạn ghan idị kengọ suọ nyorị phọ r’ilọ oḍeenhaan ephomhoghiạn. (Gal 6:10; Hib 10:24, 25) Mem dị yira oghughuronhaan eghuugh bumor phọ ayira, obobọ owilhenhaạn aani bunhọn riisi orọl, yira roḍeenhaan ghan mọ yira rowạ ni ilọ asuọ abuerị phọ. (Fil 2:3, 4) Arookpomhoghan eephugh phọ remiteom ghan eepoogh omhoọgh imhoom arighirị. Yira kotue ni okoọr ḍiigbu osighẹ iyạl ikpo ikalhạ okuamhị olhegheriom oye mem dị edeọm aḍio phọ ke/miigh, m’esi eekunha obobọ mem ophooghian. (2Kọr 6:13) Arighirị phọ iphẹn phọ ketue ni etọl k’agee-pọ! Dị epelhom siẹn, mem dị awe omhiịn ephomhoghiạn phọ, otue ni osopha oḍighan aani ayira okumu aZihova.—Jọn 13:35.
IPOGH VIDIO PHỌ “EPHOMHOGHIẠN RE/MINHEEN GHAN”! IGBOGH AROOKPOMHOGHAN EEPHUGH, KỤ EPHANYANHAẠN SIPURU PHỌ EDAPHẠN BỌ SIẸN:
Uḍeenhaan ika ephomhoghiạn buphẹ oghị bọ ogbogh ookpomhoghan eephugh a2019 phọ?
Uḍighi ika kụ amuḅọph r’ephomhoghiạn igbo awe phọ aZihova eḍighan bọ elhegh?
Eeghe odọ ephomhoghiạn aKristẹn kụ edị abumor siphẹ Aloor Phọ Repogh Bọ omạ omiteom?
Nạ kabughẹ ika ephomhoghiạn epẹ arookpomhoghan eephugh phọ ayira?
Ika kụ idị ephomhoghiạn aKristẹn phọ eḅophoghị bumor phọ ayira epẹ Germany r’aSouth Korea?
Yira kosopha oḍighi eeghe?