Saḅạr Okumhu AZihova

Eḍighi maạr dị nạ aḍighi onyọ iḍoọgh dị muụm ko/ḍiiny obobọ odị rotughemhị Baibul, nạ amoọgh ni ḍiigbu oḍiiny amuụm ḍughụm? Uḍighi ika kụ nạ kaḍiiny bọ muụm? Oḅọgh aloor ongọ r’oḍiiny amuụm eḍighi emhiighom omhoọgh asiya dị egbatanhaạn r’aZihova. (Ps 91:1) Retorori ghan kẹn kengọ pelhieẹny. (1Pit 3:21) Nạ kasianhaan ika ogbatạn aradạ phọ iphẹn phọ?

Kuphom owol mọ iphẹn kụ igey phọ. Torobọ amem dị nạ omhoọgh iikia, kiạ awaaghị raraạr. (Rom 12:2) Lọgh elhegh raraạr dị ewạ mọ nmeeghi siphẹ aghuḍum mọ anạ, kuolọ eḍuạ esi eephuạ oḍighi idị eḅeeraạn aZihova. (Pr 27:11; Efẹ 4:23, 24) Ka/gbạ ghan mem olhọm olhoghonhaạn aḍighaạgh odị. Legheri mọ aZihova kakparamhị ni aḅilhẹ abakị nyinhạ r’iikpọ uwaloor iigbia phọ odị. (1Pit 5:10, 11) Inyaạm mọ nạ kalọgh bọ ekpeanhaạn ni. Okumhu aZihova kụ eten dị enhighẹ epu!—Ps 16:11.

IPOGH VIDIO PHỌ ETEN DỊ ERORORI RENGỌ OḌIINY AMUỤM, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe ipaanhaạn kụ edị ibadị okpạr opu orue oḍiiny amuụm?

• Nạ kamoọgh ika omheeraam mọ kanyu bọ nyinhạ oḅọgh aloor ongọ aZihova?

• Eeghe kụ inyu buniin ogbatạn aradạ dị ketorori engọ oḍiiny amuụm?

• Eeghe aḍisẹph kirokirọ kụ edianhaan buphẹ osaḅạr bọ okumhu aZihova?

• Oḅọgh aloor ongọ r’oḍiiny amuụm remạ ghan eeghe?