ARUPHUA DỊ OSIGHẸ SIPHẸ EKPO-ONHỤ PHỌ ENHAẠN

AZihova Raakpomhoghi Ghan Ni We Phọ Odị

[Pegh vidio Araraạr Dị Edi Ḍinyạ ANumbers.]

Awe phọ Izrạl ulhọgh ghan rogbogo phọ abidị otumeriom alagbạ eghun phọ abidị (Nu 1:52, 53; w94-E 12/1 9 ¶4)

Onhụ abạl awe phọ Izrạl ookpomhoghan bọ eeni upel li 3,000,000 (Nu 2:32, 33; it-1-E 397 ¶4)

AZihova rawạ dị abuphẹ rooseeny bọ nyodị koḍighi iduọn phọ eten dị omhaạr odẹ raraạr. Idiphọ kụ edị erọl siphẹ Izrạl iḍiodi phọ, kụ edi kẹn ni iduọn k’aḍio arodon.—1Kọr 14:33, 40.

Afoto dị aḍeenhaan ipẹ arogbogo abuọ Izrạl phọ erọl ghan bọ. Otu iiḅereghị phọ odi ogbo. Arughunotu eghun phọ aLivai kụ ikạr ghan etumhan otu iiḅereghị phọ: Eeron odi epẹ erumuḍio phọ remite ghan bọ, eghun aKohath odi epẹ esoorom mọ, eghun aGershon epẹ erumuḍio phọ remeel ghan bọ, kụ eghun aMerari odi epẹ esiinyọm mọ. Kụ 12 arughunhughun phọ Izrạl edi ekpisi dị ekelhọm ni. Epẹ erumuḍio phọ remite ghan bọ eghun lsakạ, Juda, r’aZebiulọn kụ urọl. Epẹ esoorom mọ eghun aGạd, Riubẹn, r’aSimiọn. Epẹ erumuḍio phọ remeel ghan bọ eghun aBenjamin, Ephraim, r’aManasẹ kụ urọl. Epẹ esiinyọm mọ eghụn aNaftalaị, Dạn, r’Asạ kụ urọl.

PURUAN LOOR MỌ, ‘Mị kaḍeenhaan ika mọ mị asighẹ ni oomo iinyạ amhị kụ abakiọm ookpomhoghan phọ aZihova?’