Ookpomhoghi Oghaạph Iiḅi Iinhaghạn Phọ Oḅenhị Atorobọ Oye

Idiphọ aZihova aakpomhoghi bọ Izrạl iḍiodi phọ, kụ edị odị aakpomhoghi aani we phọ odị rodon pidị oḍighi ogbi phọ odị. Siẹn oomo aḅirinhi phọ, araraạr phọ ipẹ roḍighi ghan bọ siphẹ ilạ agadạ phọ, eghir phọ, rookpomhoghan phọ, r’ariisi phọ rookpomhoghan ghan bọ omite epẹ erugh phọ, eḍighi ilọ oraramhiọm iiḅi iinhaghạn phọ. Yira rokaạph ghan koḅenhị torobọ oye, ghalhamọ r’abulọ roḅạ ni onhọn onhụ.—Ogạn 14:6, 7.

Nạ m’aatughiạn ghan ni otuughạ onhọn onhụ pidị nạ aloghonhaạn onhọn oye ḍighaạgh olhegheri igey phọ ḍughụm? Ghalhamọ nạ ka/tue ni alọgh muboom amem otuughạ onhọn onhụ, sighẹ JW Language app phọ atuughaạm ilọ omhiighom araghaạph. Mem dị nạ aḍighi iduọn phọ, nạ kamoọgh ni ibo phọ ipẹ aKristẹn oḅẹl okuron asiạ phọ omhoọgh bọ mem mọ awe inhọn areelhe onhaghạn bọ dị oghaạph ilọ “iboom iiḍighi phọ Enaạn” onhụ aramhạ abidị.—Iiḍ 2:7-11.

IPOGH VIDIO PHỌ ḌIGHI OYAGHIRỊ AZIHOVA—SIGHẸ ONHỌN ONHỤ AGHAAPHỌM IIḄI IINHAGHẠN PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Pụr amem kụ edị aJW Language app phọ katue alhoghonhaạn nyinhạ ḍighaạgh?

• 

  Ighẹn araraạr kụ edị kotue osighẹ oḍighinhom?

• 

  Awe ekool arukumuan phọ anyinha roḅạ ghan ighẹn arunhụ?

• Nạ kaḍighi ika eḍighi maạr dị oye dị aḍeenhaan ḍiḅeeraạn oghaạph Omhạr phọ raḅạ ghan onhọn onhụ?—od-E 100-101 ¶39-41