Nạ Raakolhobian Ni Ilọ AMemorial Phọ?

Eyaạl Ophẹl Otenhe phọ aZizọs alhe bọ asughanham omhạn imhạn maạr agey. Aḍuugh phọ odị rekpụl bọ, odị aakolhobian olhe eyaạl Ophẹl Otenhe phọ r’abutelhedom mọ odị, kụ ophighiom Eḍien Adulhe Uw-emhoọgh phọ, dị kopạm ghan torobọ alhạ. Esi iduọn phọ, odị aruom ni Pita r’aJọn oghị ookolhobian osoph. (Luk 22:7-13; miịn afoto oḅẹl opoḍi phọ.) Iphẹn phọ iitughianhạm iyira mọ emạn ni maạr ookolhobian ilọ aMemorial phọ kopạm bọ March 27. Eeni arookpomhoghan phọ mookolhobian ni oye dị kangọ oghaạph phọ, abrẹd r’amiim mọ r’inhọn araraạr. Toroboiperolbọ, nạ r’aloor kaakolhobian aani ika ilọ aMemorial phọ?

Kookolhobian ekpom anạ. Bạl ibạl aBaibul aMemorial phọ kụ agbirima. Nạ atue ni amiịn edeọm siphẹ Examining the Scriptures Daily phọ. Appendix B12A ḅilhẹ B12B phọ odi bọ siphẹ New World Translation of the Holy Scriptures phọ apạm ni kẹn edeọm. (Miịn kẹn Ḍinyạ Ituughạ Adọl Aghuḍum R’oghaaph Ilọ Omhạr Phọ opọ April 2020.) Arughunotu kotue ni omiịn iinhaghạn ilọ iyaạr phọ eḍighi bọ kụ etagharạn phọ emhạn bọ maạr, dị bidị kotue ooḅeghiọn mem iiseeny eghunotu abidị, esi oghị isiphẹ Watch Tower Publications Index obobọ Research Guide for Jehovah’s Witnesses.

Mạgh aani bunhọn oru aani. Pinhom aani agey bin odi aḍinyạ aḍimhạgh phọ. Tuutughiạn we dị nạ katue amạgh aani, idiphọ awe dị nạ raḅula ghan kaphogh, budị nạ ratughemhị ghan Baibul, siya anạ r’abunhọn awe dị nạ alhegheri. Ikumor awe phọ omhiịn ni mọ bidị omạgh ni buphẹ moophoọm bọ. Ka/bula mọ eḍighi maạr dị oye phọ u/lo ekpisi anyinha, nạ katue ni amiịn mem mọ r’esi phọ kopạm bọ aMemorial phọ epẹ odị odi bọ esi ozụ ILỌ AYOOR siphẹ anyụ osoph jw.org phọ kụ oselẹ “Memorial.”

Ighẹn inhọn araraạr kụ edị yira koḍighi ookolhobian?