Ḍeenhaan Ephomhoghiạn Siphẹ Eghun Otu Phọ

Ephomhoghiạn eḍighi ogọ dị rekoroghị ghan eghun-otu. Ephomhoghiạn kụ i/lọ, ke/kpạr ri kụ eephọ r’amuḅọph etọl eghun-otu. Ika kụ idị aburulom r’anmariịr, ḅilhẹ r’aburudẹ r’aburunhiin kotue oḍeenhaan ephomhoghiạn siphẹ eghun-otu phọ?

Olom dị amhoọgh ephomhoghiạn kamaạr ghan apogh anhịr odị, anaghanhạn ipẹ raloghoma ghan bọ, r’ipẹ ramiịn ghan bọ raraạr. (Efẹ 5:28, 29) Kamiteom ghan raraạr dị eghun-otu phọ odị owạ orolhọm, aḅilhẹ aloghonhaạn ḍighaạgh okparamhị asiya abidị r’aZihova, dị eḅarạm ni ogbor ghan ophạm Iiseeny Eghun-otu. (1Tim 5:8) Anhịr dị amhoọgh ephomhoghiạn kasooromhi loor aḅilhẹ alọgh “eghuan” olom odị. (Efẹ 5:22, 33; 1Pit 3:1-6) Olom r’anhịr phọ onyaaghiạn ghan dị oniin kasạr ghan abilhenhaạn nyoniin. (Efẹ 4:32) Odẹ r’onhiin dị omhoọgh ephomhoghiạn romoọgh ghan ḍiḅeraạn atorobọ obumoọny abidị koḅilhẹ otughemhị bidị ophomhoghiạn aZihova. (De 6:6, 7; Efẹ 6:4) Ighẹn ipaanhaạn kụ edị ibạm anmụny phọ odị rosomhan ghan otu askul? Bidị rokparaghạm ghan ika inyuughiom iigbo? Ephomhoghiạn emuza siphẹ eghun-otu phọ, eephọ r’eborọph ketọl li.

IPOGH VIDIO PHỌ ḌEENHAAN GHAN EPHOMHOGHIẠN DỊ RE/MINHEEN GHAN SIPHẸ EGHUN OTU PHỌ ANẠ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ika kụ idị olom dị amhoọgh ephomhoghiạn ramaạr ghan kaphogh anhịr odị?

• 

  Ika kụ idị anhịr dị amhoọgh ephomhoghiạn ralọgh ghan eghuan olom odị?

• 

  Ika kụ idị odẹ r’onhiin dị omhoọgh ephomhoghiạn kozụph Ekpo-onhụ phọ Enhaạn ilhoghi anmụny phọ abidị?