ORỌL GHAN ADỌL ONYỌ AKRISTẸN

Sopha Osopha Osụ-olhoghi Idị Egbolhomaam Rimiim Dị Ketue Ekiigh Oye

Afoto dị osighẹ siphẹ avidio phọ ‘Ka/pogh Miim Mọ Bịn.’ Ekarạph iyaạr dị emiteom ralaạy odị eḍuạ egọ amiim dị oye aphạm remite.

Ewạ dị oomo aKristẹn koḍeenhaan ophamhaghạn aloor idị egbolhomaam rimiim dị ketue ni ekiigh oye. (Pr 23:20, 29-35; 1Kọr 6:9, 10) Eḍighi maạr dị onyọ aKristẹn asopha ophughọl amiim, pọ ku/pughọl upeelhe. Odị ku/gbon ghan ophughọl amiim, aḅilhẹ kẹn aghel oḍighi idị abunhọn kokpetaany. (1Kọr 10:23, 24; 1Tim 5:23) Yira ku/ḍighi idị oye kaloghoma mọ ewạ ni dị odị kapughọl miim, ekạr nuụn ekpaariọm iḍoọgh phọ.

IPOGH VIDIO IDORONHEẸN PHỌ KA/POGH MIIM MỌ BỊN, KỤ EPHANYANHAẠN SIPURU PHỌ EDAPHẠN BỌ SIẸN:

Uḍighi ika kụ aKristẹn konaghanhạn bọ iilhogh dị egbolhomaam ophughol amiim?—Rom 13:1-4
Uḍighi ika kụ i/wạ bọ dị yira komeera mọ oye ukpaariọm iyira ophughọl amiim?—Rom 6:16
Ika kụ idị yira kotue oḍuạ esi ooto r’osooromhinheen dị ratọl ghan esi amiim?