Kiọm Ghisigh Akparamhị Iikpọ Olhegheriom Igey R’ikarạph Ph’anạ

Awe dị ropegh ghan reephegh omoọgh otughemhị ghan asiloor abidị obọ okuamhị omhaạr ephegh phọ. Iduọn kẹn kụ edị ewạ mọ yira oghiọm ghisigh olhọgh inyaạm okparamhị iikpọ olhegheriom igey r’ikarạph phọ ayira. (Hib 5:14) Ghalhamọ r’iduọn riphụ ghan bọ ni iyira oḍighi aani idị abunhọn roḍighi, ewạ ni mọ yira otuughạ ilọ ootughiạn ghan kụ osopha ilọ yira rowạ oḍighi. Eeghe kụ iḍighi? Torobọ onyọ ayira kakaạph ni ilọ emhụ odị aḅenhị Enhaạn.—Rom 14:12.

Yira kuu/tughiạn mọ eḍighi maạr dị oye maḍiiny ni muụm ebia pọ katue ni asopha ogey osopha. Orue osopha ogey osopha, ewạ mọ yira obeḍenhọm aZihova, Ekpo Onhụ phọ odị ḅilhẹ r’ookpomhoghan phọ odị.—Jos 1:7, 8; Pr 3:5, 6; Mat 24:45.

IPOGH VIDIO PHỌ “PAMHANHẠM OGEY OORUẸN OLHOGHI,” KỤ EPHANYANHAẠN SIPURU PHỌ EDAPHẠN BỌ SIẸN:

• 

  Iwạ mọ Emma asopha eeghe osopha?

• 

  Eeghe kụ iḍighi kụ i/wạ bọ mọ yira osogh ghan ḍiitughiạn ayira raraạr dị egbolhomaam ooruẹn olhoghi abunhọn?

• 

  Eeghe oroma osụ olhoghi kụ edị oniin olom r’anhịr ongọ Emma?

• 

  Emma aghị ḍighen kụ amhiịn iinhaghạn dị elhoghonhaạn nyodị ḍighaạgh osopha ogey osopha?