ORỌL GHAN ADỌL ONYỌ AKRISTẸN
Araraạr Ituughạ Esi Adọl Aghuḍum ASamuel
ASamuel aḅạr aZihova oomo adọl aghuḍum mọ odị. Mem dị aḍighi ephurukpu obumoọny, odị o/mheera odaphạn ikarạph iḍighinhom araraạr anmụny phọ Eli, Hophni r’aPhinehas. (1Sa 2:22-26) AZihova arọl li r’aSamuel iduọn odị rapoph bọ. (1Sa 3:19) Kụ mem dị akpọ, odị aghiọm ni ghisigh akumu aZihova ghalhamọ r’idiphọ anmụny phọ odị owilhẹ bọ ni okumu aZihova.—1Sa 8:1-5.
Eḍeenhaan phọ aSamuel itughemhị iyira eeghe? Nạ aḍighi onyọ iḍoọgh, pọ ḍuomolhoghi mọ aZihova anaghanhạn ni ipaanhaạn dị nạ asoman r’ipẹ nạ alhoghoma bọ. Odị katue ni akpoomhị oḅio anạ. (Isa 41:10, 13) Kụ nạ aḍighi odẹ obobọ onhiin dị obumoọny m’awilhẹ aZihova, pọ ka/bula mọ aSamuel o/kpaariọm nmụny phọ odị momhanhạm bọ odaphạn asiigbu phọ aZihova. Kuolọ odị aḅọgh iiḅaghamhị phọ alhọgh ḍighaạgh aZihova kụ aḍighi ipẹ odị katue bọ ophamhanhạm aḍimeeraam odị r’oḅilhẹ oḍighi idị eḅeeraạn Odẹ k’akẹ phọ odị Zihova. Eeni imạ eḍeenhaan phọ anạ kenyu ni obumoọny phọ anạ oḅula okumu aZihova.
IPOGH VIDIO PHỌ TUUGHẠ ESI ABIDỊ—ASAMUEL, KỤ EPHANYANHAẠN SIPURU PHỌ EDAPHẠN BỌ SIẸN:
Ika kụ idị aSamuel aḍeenhaan akpọ oḅio idiphọ obumoọny?
Ika kụ idị aDanny aḍeenhaan akpọ oḅio?
Ika kụ idị aSamuel aḍighi egey eḍeenhaan idiphọ okumor oye?
AZihova rabakị ghan buphẹ omheerạ bọ agạ igey phọ
Ika kụ idị odẹ r’onhiin aDanny oḍighi egey eḍeenhaan?