Tutụ Oḅetenhu Esi Aḍuugh Phọ Amite

Mem dị oye ephomhoghiạn ayira amhugh, oḍuomolhoghi oḅetenhu esi aḍuugh phọ rungọ ghan ni iyira iidereghị. Ghalhamọ r’iduọn phọ ni, ikarạph r’aḍuugh etọl idiphọ ootụ otọ dị akoom oomo ade phọ. (Isa 25:7, 8) Esi iduọn phọ, “oomo araraạr phọ oIẹm bọ rekụph ni ikụph eephina.” (Rom 8:22) Ika kụ idị yira kotue okparạm ḍuugh oye ephomhoghiạn ayira tutụ oḅetenhu esi aḍuugh phọ amite? Ekpo-onhụ phọ Enhaạn epamanhạm sinhị-iilhogh dị ketue ilhoghonhaạn iyira ḍighaạgh.

IPOGH VIDIO PHỌ MEM DỊ OYE EPHOMHOGHIẠN AMHUGH, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe eephinha kụ edị aDanielle r’aMasahiro ḅilhẹ r’aYoshimi olhoghoma?

• Ika kụ idị oogh phọ araraạr phọ omaaghị bọ elhoghonhaạn bidị ḍighaạgh?

• Anhiạn kụ Azin oomo iidereghị phọ?—2Kọr 1:3, 4