Ighẹn Asiigbu Kụ Edị Nạ Aghonyị Ilọ Aḍimhoom Alhạ Arukumuan phọ?

Asiigbu aruwaloor pọ atorobọ iyaạr dị yira olhọgh inyaạm ophorogh oteẹny dị kilhoghonhaạn iyira ḍighaạgh okuamhị okumu aZihova ḅilhẹ r’oḍighi idị olhoghi odị kaḅaạl. Asiigbu phọ rilhoghonhaạn ghan iyira ḍighaạgh ophoph oghị aghisigh siẹn igey phọ, kụ ekạr ekpẹ oghol olhọgh amem r’inyaạm ayira. (1Tim 4:15) Uḍighi ika kụ yira kooḅeghiọn ghan bọ siigbu ayira amem emhạn mem? Loor esi dị asidọl phọ renmia ghan ni. Iyaạr etue ni eḍighi idị yira ko/tue mụn oteẹny ḍiigbu dị yira oghoọr obobọ yira mọ oteẹny kụ rowạ oghoọr aḍinhọn.

Amem dị enhighẹ oḅilhẹ ooḅeghiọn asiigbu phọ ayira ophogh pọ emhiighom aḍimhoom alhạ arukumuan phọ. Nyinha etue ni eeḅeghiọn mem iiseeny eghunotu phọ anyinha ilọ ophighi asiigbu dị oye ye kaporogh ateẹny ḅilhẹ r’idị oomo eghunotu phọ koporogh oteẹny.

Ighẹn asiigbu kụ edị nạ aghonyị ilọ atorobọ agạ phọ edi bọ siẹn phọ, kụ ighẹn araraạr kụ edị nạ maakolhobian oḍighi pidị nạ ateẹny siigbu phọ?