ORỌL GHAN ADỌL ONYỌ AKRISTẸN

Loghonhaạn Ḍighaạgh Buphẹ U/ḍigh Bọ Ekụ Iiḅereghị Olhegheri Olemhiạ Phọ Abidị

Nạ rapạm ghan ni kaḅulhemhi omhạn eepoogh ongọ ogbaanhaạn we dị u/ḍigh ekụ iiḅereghị loor esi dị nạ aatughiạn mọ bidị ko/megheron agey ḍughụm? Eḍighi idiphọ, pọ tuutughiạn mọ ibadị awe dị u/ḍigh ekụ iiḅereghị—eḅarạm ni buniin dị u/meeraam mọ Enhaạn edi ni—moḍighi Bugbaanhaạn aZihova. Ibadị amem, iwạ ghan m’olhoghonhaạn bidị ḍighaạgh omhiịn ariphigh dị eḍeenhaan mọ Enhaạn edi ni.—Rom 1:20; 10:14.

IPOGH VIDIO PHỌ LEGHERI MỌ—AWE DỊ U/MOỌGH OMHEERAAM KOTUE NI OMOỌGH OMHEERAAM!—ABUPHẸ U/ḌIGH BỌ EKỤ IIḄEREGHỊ, KỤ EPHAGHARANHAẠN ḌIPURU PHỌ EDAPHẠN BỌ SIẸN:

• Ika kụ idị eḍeenhaan phọ aTommaso melhoghonhaạn nyinhạ ḍighaạgh omhoọgh egey ephoghom ilọ oghaạph ghan iiḅi iinhaghạn phọ oḅenhị awe dị u/ḍigh ekụ iiḅereghị?

Ophagharanhaạn phọ anạ

Ilọ oḍighi

Eḍighi maạr dị oye aḅẹm m’onọ o/mheeraam Enhaạn, miigha loor, aḍighinhom magheel, kụ akạr amhoọgh ḍiḅeraạn aghị esi iitughiạn phọ odị r’ipẹ odị alhoghoma bọ ilọ oghaạph phọ. (2Tim 2:24) Ḅeeḅeghiọn rumhuoghaạph dị keḅeraạn nyodị. Kameera ni ooḅeghiọn ariphigh dị meḍighi idị ibadị momheeraam mọ Olemhiạ odi ni? Eḍighi idiphọ, pọ ḍighinhom rinyạ r’asividio dị otuạn rumhuoghaạph phọ iphẹn phọ kụ omiteom. Moḅarạm brosọ phọ Was Life Created? ḅilhẹ The Origin of Life—Five Questions Worth Asking siphẹ Igbe Araraạr Otughemhiọm Mọ pidị onuụn ghan oteẹny.

Emhiighom mọ bịn, nạ kakiilaan ni oghaạph iiḅi iinhaghạn phọ oḅenhị oye dị u/meeraam Enhaạn. Uḍighi ika kụ nạ opuru bọ okaaphọm dị asilor olhoghonhaạn anạ ḍighaạgh? Tuutughiạn kẹn mọ, aZihova katue ni ulhoghonhaạn iyira ḍighaạgh oteẹny abuọ ariiḅi arokpom mọ—ghalhamọ u/meeraam ni Enhaạn eḅẹl amem mọ.—Iiḍ 13:48.