Arebenhẹ AZihova Dị Oḅạr Nyodị Romuneni Ghan Ni Ilọ Bidị Oghunyan

Bạl Judges 11:30-40 atuughạ iyaạr esi eḍeenhaan phọ aJeftạ r’onyanhị phọ odị, dị egbolhomaam omhunhenhi ghan ilọ yira oghunyan.

Tuughạ abughẹ riisi aBaibul phọ ekoom bọ esi phọ. Awe Izrạl dị oḅạr aZihova umhiịn ghan ika oguan dị bidị oguanhaan aZihova? (Num. 30:2) AJeftạ r’onyanhị phọ odị uḍeenhaan ika mọ bidị omoọgh ni omheeraam esi aZihova?—Judg. 11:9-11, 19-24, 36.

Tuughạ abughẹ ilọ esi r’esi raraạr phọ ekạr bọ emite. AJeftạ aghunyan aḅenhị aZihova eeghe, kụ ipẹ odị aghunya bọ remạ ghan eeghe? (w16.04 7 ¶12) Ighẹn arikiạ kụ edị aJeftạ r’onyanhị phọ odị ophinyọn orue oḍighi ipẹ odị aghunyan bọ? (w16.04 7-8 ¶14-16) Ighẹn kụ iniin araraạr dị arebenhẹ aZihova rokunyan ghan oḍighi?—w17.04 5-8 ¶10-19.

Lọgh elhegh iyaạr ituughạ phọ kụ asighẹ aḍighinhom. Puruan loor mọ:

• ‘Eeghe kụ kilhoghonhaạn imhị ḍighaạgh omhunhenhi ipẹ mị aghunyan bọ mem mọ mị raḅọgh bọ loor kangọ aZihova?’ (w20.03 13 ¶20)

• ‘Ighẹn arikiạ kụ edị mị kapinyọn orue okumu aZihova obughẹ?’

• ‘Eeghe kụ kilhoghonhaạn imhị ḍighaạgh omhunhenhi ipẹ mị aghunya bọ mem apinien phọ amhị?’ (Mat. 19:5, 6; Efẹ. 5:28-33)