Amem Ketọl Li Dị Kozoọm Ghan We Areelhe Kirokirọ Eniin Phọ Eten Phọ Ḍughụm?—ABaibul Phọ Akaạpch Aani Ika?

Esi ibadị awe, oghaạph dị kozoọm ghan weye areelhe kirokirọ eniin phọ eten phọ eḍighi malhạ bịn.

• “Siẹn oomo aḅirinhi phọ, ozoọm ghan awe kirokirọ eten dị egbaranhaạn eḍighi ni iiḅaghamhị dị retir ghan rookpomhoghan r’asidọl awe kirokirọ. Iphẹn phọ ekiọm ni ghisigh renyu ghan we ozoọm abunhọn eten dị i/nighẹ.”—António Guterres, UN Secretary-General.

Amem ketọl li dị awe kozoọm ghan we areelhe kirokirọ eniin phọ eten phọ ḍughụm? ABaibul phọ akaạph aani ika?

Idị Enhaạn Emhiịn Ḍita Areelhe Phọ

ABaibul phọ atughemhị ni idị Enhaạn amhiịn we areelhe kirokirọ.

• “[Enhaạn] kụ aḍighi idị oniin ogbogh odẹ bịn kụ amaraghị bọ buọ oomo areelhe aleenye aḅirini phọ.”—Iiḍighi 17:26.

• “Enaạn re/lọgh ghan oye iiseẹny. Kụ torobọ eelhe, oye lọ alọgh nyodị eegu kụ raakuan, kụ odị Enaạn keloghomạ.”—Iiḍighi 10:34, 35.

ABaibul phọ akạr ri akaạph agananamhi mọ awe oomo aḅirinhi phọ oniin oye ḅilhẹ mọ Enhaạn rasighẹ ghan ni we oomo areelhe.

Ipẹ kotue bọ omoọgh aḅirinhi dị awe kozoọm ghan we kirokirọ eniin phọ eten phọ

Itooghị phọ Enhaạn, eḍighi bọ itooghị k’akẹ bịn kụ ketue eḍighi idị awe kozoọm ghan we kirokirọ eniin phọ eten phọ. Itooghị phọ ipẹ phọ ketughemhị we ilọ ozoọm ghan abunhọn eten dị eḍighi elhiom. Awe kotuughạ idị bidị kotue okpạr opu iitughiạn oḅẹm ghan mọ ophọn ko/lọ ekpisi amhị.

• “Oomo abuẹn orugh bọ de phọ [kotuugha] ilọ elhiom ooruẹn.”—Isaiah 26:9.

• “Elhiom eḍighinhom iyaạr kemiteom eephọ, kụ eemhumha egey elhiom eḍighinhom iyaạr keḍighi dọl eborọph r’oghoph dị ketọl ebia.”—Isaiah 32:17.

Ḍio arodon, irubal awe rotuughạ ni siphẹ aBaibul phọ idị bidị kozoọm ghan bunhọn awe eten dị eḍeenhaan olhọgh eegu ḅilhẹ r’eghuan.

• Otuughạ obughẹ, bạl Awake! phọ aphạm bọ emhuoghaạph phọ Is There a Cure for Prejudice?”

• Bạl emhuoghaạph phọ “Talking to Children About Racism” otuughạ idị aburudẹ r’aburunhiin kooḅeghiọn emhuoghaạph phọ ephọn phọ r’ibạm anmụny abidị ologhi otu.