Ooḍikuan Isiphẹ Intanẹt Phọ​—Koronaan Ooto r’osooromineen Phọ

IYAẠR PHỌ EMẠN BỌ NI MAẠR: Ooḍikuan isiphẹ intanẹt phọ katue ni alọgh ḍighaạgh obobọ aḍighi ooto r’osooromineen. Buniin aKristẹn osopha mọ bunọ k/ooḍikuan. Abunọn r’ooḍikuan ghan ni siphẹ intanẹt phọ koghaaphạn buọ eghun-otu r’arighirị abidị. Toroboiperolbọ, Eru phọ rawạ dị yira kosighẹ ooḍikuan isiphẹ intanẹt phọ oḍighinom ilọ ateẹny, pidị epuẹ siya ph’ayira r’aJihova. Idiphọ aJizọs, yira kotue ni osighẹ oḍighinhom sinị iilogh aBaibul phọ, olhegheri ooto r’osooromineen phọ odi bọ, kụ okoronaan.​—Luk 4:​4, 8, 12.

OOTO R’OSOOROMINEEN OKORONAAN:

• Ooḍikuan isiphẹ intanẹt phọ iboom. Olọgh ghan amuboom amem ooḍikuan isiphẹ intanẹt phọ, katue ni asighẹ muboom amem dị musighẹ oḍighinhom oḍighi aJihova

  Asinị iilogh aBaibul: Efẹ. 5:​15, 16; Fil 1:10

• Ophogh ghan araraạr dị i/kpeanaạn. Ophogh ghan asifoto dị keesạ ruuphuạ oye phọ, ketue ni etorori elọgh ophogh ghan asifoto aradaḅạ r’aroozọ dị i/ḅaạl. Aạl ghan araraạr dị budị m’omeel oḍuạ siẹn igey phọ ogẹ ketue ni ekiigh omeeraam oye phọ

  Asinị iilogh aBaibul: Mat. 5:28; Fil 4:8

• Olhọgh isiphẹ intanẹt phọ igẹ obobọ sifoto dị i/kpeanaạn. Loor iduọn ekpom mọ eḍighi bọ iyaạr iikeleghian, ketue ni bịn enyu oye phọ ogẹ iyaạr obobọ olọgh afoto dị u/kpeanaạn pạ oye phọ raaḍikuan bọ siphẹ intanẹt phọ. Toroboiperolbọ, iphẹn phọ ketue ni epuẹ ḍien oye phọ bịn eḍighi iyaạr dị oye phọ kakpetaan

  Asinị iilogh aBaibul: Rom 14:13; Efẹ 4:29

POGH VIDIO PHỌ OGHOL BỌ MỌ SIGHẸ OSỤ OLHOGHI AḌIGHINHOM INTANẸT PHỌ, KỤ AAḄEGHIỌN ILỌ OKORONAAN IPHẸN KETUE BỌ NI EMITE: