AJizọs Atuạn Aani Ni Emhụ Umor Phọ Anạ Kụ Amhugh Bọ

AJizọs atuạn omhạr awe phọ u/munhughan bọ kụ amhugh. (Rom 5:8) Dị iikia i/lo, yira osereghiạn ni ephomhoghiạn phọ aJizọs uḍeenhaan bọ iyira, esi omhughanhaan ayira. Ghalhamọ r’iduonphonị, eeni amem rewạ ghan ni oghiọm olhoghi mọ, aKraist atuạn aani ni emhụ umor ph’ayira kụ amhugh bọ. Esi iduọn phọ, yira koḍeenhaan ika ephomhoghiạn phọ aKraist, bumor r’abumarani ph’ayira abuẹn u/munhughan aani bọ? Ooḅeghiọn omhiịn iraạr areten. Eḅẹl phọ, ewạ dị yira kosighẹ righirị oomo awe ghalhamọ r’abuphẹ r’ayira u/ḍighi bọ buọ eniin ekpisi. (Rom 15:7; 2Kọr 6:​12, 13) Omhunhenhiom iyạl, yira ku/ḅaaghị ghan ikpo onhụ obobọ ku/ḍighi raraạr dị kepin ghan ilhoghi abuerị ph’awe phọ. (Rom 14:​13-15) Iraạr, eḍighi maạr lọ oye uḍighi iyira ikarạph, kuu/binyemhiom ghan osạr owilhenhaạn. (Luk 17:​3, 4; 23:34) Yira olhọgh ikuph otuughaạny aJizọs, aJihova kakiọm ni ghisigh asephọm ookpomhoghan phọ eephọ r’oḅọph onhụ.

IPOGH VIDIO PHỌ BUGHẸ ENHIGHẸ PHỌ ANẠ! KỤ EPHANYANHAẠN SIPURU PHỌ EDAPHẠN BỌ SIẸN:

• 

  AMiki asighẹ ika ookpomhoghan ph’odị eḅẹl amem mọ?

• 

  Eeghe kụ inme bọ iitughiạn ph’odị?

• 

  Emạ eḍeenhaan ph’aJizọs ilhoghonhaạn ḍighaạgh ika Miki orue oolemhi aḍiitughiạn ph’odị? (Mạk 14:38)

• 

  Proverbs 19:11 kulhoghonhaạn iyira ḍighaạgh ika, omhiịn enhighẹ abumor ph’ayira?