Ephomhoghiạn Kụ Elhegh Abugey AKristẹn​—Kel Owạ Imạ Ilọ Aloor Ḅilhẹ R’oḍighi Iyaạr Ophinologhi

IYAẠR PHỌ EMHẠN BỌ NI MAẠR: AJizọs atughemhị mọ ephomhoghiạn kụ edị kolegheriom bumatuạn ph’odị. (Jọn 13:​34, 35) Orue oḍeenhaan ephomhoghiạn idiphọ aKraist, pọ yira ko/wạ ghan ilọ aloor ayira bịn, ḅilhẹ kẹn ko/kpom ghan ekpom.​—1Kọr 13:5.

IPẸ KOḌIGHI BỌ:

• Mem lọ oye aghaạph obobọ aḍighi iyaạr dị eghạgh olhoghi anạ, koriom enụm aatughiạn iyaạr phọ ekọm bọ iiḅaghamhị phọ ḅilhẹ r’idị ipẹ nạ rawạ bọ oḍighi phọ kekọm.​—Pr 19:11

• Ke/bulha ghan m’oomo ayira u/munhughan, ḅilhẹ eeni amem yira rokaạph ghan ni k’oḅilhẹ oḍighi iyaạr dị oḍika yira kologhoma apum

• Inuụn eghaaphọgh

POGH VIDIO PHỌ “IMOỌGH EPHOMOGHIẠN SIPHẸ IGBO PHỌ ANYINA”​—KEL OWẠ IMẠ ILỌ ALOOR ḄILHẸ R’OḌIGHI IYAẠR OPHINOLOGHI, IPẸ RETEN KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị Ogonọ amhegheron ekarạph eten aghị esi aḍiitughiạn phọ aTom?

• Ika kụ idị okoriom enụm ootughiạn elhọgh ḍighaạgh dị aTom u/kạgh olhoghi?

• Ika kụ idị imạ eten phọ aTom aphagharanhaạn bọ ephoomhị ipẹ ewạ bọ omite phọ?