ITUUGHẠ 4

Oghaạph Oghol Esi ABaibul

Matiu 22:41-45

OGHAẠPH OOKARAGH: Kookolhobian ghan ilhoghi abuphẹ nạ rakaaphạn bọ, kụ agbi aạl esi aBaibul.

Tuutughiạn iyaạr phọ eḍighi bọ kụ nạ rawạ bọ aạl esi phọ. Kaạph iyaạr dị keloghonhaạn ḍighaạgh buphẹ nạ rakaaphạn bọ olhegheri iyaạr phọ nạ atuạn bọ kụ r’abạl esi aBaibul phọ.

Legheri ilọ oomo esi aBaibul phọ. Eḍighi maạr lọ nạ rakaạph ilọ oye phọ agẹ bọ esi phọ, obobọ opọ aḅạ bọ ikpo-onhụ phọ, pọ kuphom ni owol mọ nạ atuụgh ni oye phọ akol.
Emhunheen ghan siphẹ aBaibul phọ. Mem dị nạ rakaaphạn we dị omheeraam Enaạn, ḍighi ghan idị bidị kolegheri mọ aBaibul phọ Ekpo Onhụ Enaạn, obọ bidị olhegheri mọ ḍiphẹ bịn kụ aḍinyạ osụ olhoghi dị epelheghiom.
Ḍighi idị esi aBaibul phọ kesoghoḍị oye phọ. Puru ḍipuru dị esi aBaibul phọ kụ kepagharanhaạn, kaạph aghol iiḅaghamhị dị aBaibul phọ kụ katue aakonhom, obobọ kaạph akar ḍinhị olhogh dị esi aBaibul phọ keloghonhaạn bidị ḍighaạgh onhaghanhạn.

Tuutughiạn ilọ iniin araraạr dị abuphẹ nạ rakaaphạn bọ olhegheri idị egbolhomaam oghaạph phọ r’esi aBaibul phọ. Kaạph aghol esi aBaibul dị awe phọ olhegheri ni, eten dị edụgh onhaghạn, kụ aḅilhẹ aḍighi idị awe phọ kotuughạ emhoom iyaạr.