Eten Oghaaphạn

2 Korịnt 2:17

OGHAẠPH OOKARAGH: Eghaaphọm mọ anạ eḍuạ k’ekpom kụ emite, kụ aghaạph eten phọ epẹ nạ rakaạph ghan bọ iyaạr.

IPẸ NẠ KAḌIGHI BỌ:

• R’iiḅereghị, maạr aakolhobian. Ḅeeḅereghị alhọm olhoghonhaạn aḍighaạgh ogbon adom mọ, ko/ghiilhaan ph’anạ. Lọgh olhoghi anạ ikpanhạ araraạr oghaạph phọ. Kaaphọm ikpo-onhụ ilọ anạ; ka/bạl ipẹ ogẹ bọ ekpo etum ekpo.

• Oghaạph phọ aḍuạ k’ekpom. Legheri ni iyaạr phọ eḍighi bọ kụ abuphẹ ronaghạn bọ omhoghi bọ ni onhaghạn oghaạph phọ. Eseereom aloor ph’anạ, ipẹ nạ ramaaghiạn bọ, r’eseereom aghisigh ph’anạ eḍeenhaan mọ nạ amoọgh ni ogbolhomaam esi abidị.

• Pogh ghan ni buphẹ nạ rakaaphạn bọ. Tọl ghan ni mem aphogh ghisigh oye phọ. Mem lọ nạ rangọ oghaạph, kparipẹ dị ariḍien anạ k’eger ḍita phọ, enighẹ ghụn ni ophogh oye mem mem.