ITUUGHẠ 13

Ḍeenhaan Ipẹ Koḍighinhom Bọ

Isaiah 48:17

OGHAẠPH OOKARAGH: Loghonhaạn ḍighaạgh buphẹ ronaghạn bọ onhaghanhạn ipẹ emhuoghaạph phọ emhạn bọ maạr siphẹ aghuḍum mọ abidị, ḅilhẹ r’ipẹ bidị kotue bọ osighẹ raraạr phọ bidị otuughạ bọ oḍighinhom.

IPẸ NẠ KAḌIGHI BỌ:

Tuutughiạn ilọ abuphẹ konaghạn bọ. Gbiran ghan iyaạr phọ eḍighi bọ kụ ewạ bọ mọ awe phọ onaghạn emhuoghaạph phọ nạ kapạm bọ, kụ aatughiạn riisi dị k’ekạr eloghonhaạn bidị ḍighaạgh.
Oomo oghaạph phọ anạ aḍeenhaan ghan buphẹ ronaghạn bọ ilọ oḍighi. K’emhiighom araghaạph phọ bịn, torobọ oye alhoghoma ni mọ ‘oghaạph phọ agbolhomaam ni nyodị.’ Esi atorobọ ekpanhạ iyaạr lọ nạ rakaạph, ḍeenhaan ghan ipẹ kosighẹ bọ oḍighinhom. Gbonhonhomhi, ka/sạr raghaạph phọ.

Gbạ aagholhomhi idị koḍighinhom sinhị iilhogh aBaibul phọ r’eten ephomhoghiạn ḅilhẹ r’eten dị eḍeenhaan mọ nạ anaghanhạn ni ipẹ etir bọ bidị. Kparipẹ rootughianhạm awe igbaany ikarạph abidị, kparamhị ghụn ephomhoghiạn phọ r’omheeraam m’abidị, r’oḍuom olhoghi mọ oghaạph phọ katir ri bidị oḍighi ghan idị enhighẹ oomo amem.