Nạ Katue Ni Akaạph Iiḅi Iinhaghạn Phọ Aḅilhẹ Atughemhị!

Eḅẹl amem mọ aMozis alhoghoma m’odị o/sianhaan orelhe adom mọ aZihova arom bọ nyodị. (Ex 4:10, 13) Nạ malhoghoma ghan ni iduọn phọ? Eḍighi edị nạ ratuughạ ghan Baibul phọ r’Abugbaanhaạn aZihova? Nạ raakia ni mughumọ nạ katue ni aḍuạ otu agbạ otu oghaạph iiḅi iinhaghạn phọ? Obobọ nạ onyọ iḍoọgh dị rakiilhaan ghan ongọ ogbaanhaạn epẹ otu askul phọ. Obobọ nạ rakiilhaan ghan osighẹ afon ongoọm ogbaanhaạn obobọ omite esi ogbo oghaạph iiḅi iinhaghạn phọ. Toroboiperolbọ, lọm aZihova inyaạm dị eego esi uwaloor iigbia ph’odị. (1Pit 4:11) Kụ akuphom owol m’odị kangọ ni nyinhạ iinyạ oḍighinhom atorobọ oḍighi dị odị angọ nyinhạ.—Ex 4:11, 12.

IPOGH VIDIO PHỌ KPỌ OḄIO IDIPHỌ . . . OKAAPHỌM, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn ipaanhaạn kụ edị umaranhi phọ Aoyama asoman?

• Odị amhoọgh ika inyaạm r’akpọ oḅio?—Jer 20:7-9

• Owạ areten obughẹ arukumuan ph’odị rangọ bọ aZihova ingọ nyodị eeghe asuọ?

• Ighẹn ipaanhaạn anạ epẹ erugh phọ, kụ edị aZihova kaḍighi idị nạ kakpạr apu?