ORỌL GHAN ADỌL ONYỌ AKRISTẸN
AZihova Rakoph Ghan Ni We Phọ Odị
Eḅẹl Eyaạl Ophẹl Otenhe phọ olhe bọ ikạr kụ emhạn maạr agey. Ḍughul phọ aḍiphẹ phọ, mem dị aFero amhiịn bọ mọ oḅẹl oọny phọ odị mamhugh, odị aḅenhị Mozis mọ: “Iḅetenhu eḍuạ siẹn ogbo awe phọ amhị, nyinha r’oomo awe phọ Izrạl. Egheel ekumu aZihova Enhaạn phọ, idiphọ nyinha elhọm bọ.” (Ex 12:31) AZihova maḍighi aḍeenhaan m’onọ raloghonhaạn ghan ni we phọ odị ḍighaạgh.
Mem dị yira ootughiạn ilọ iphirigba awe phọ aZihova ḍio arodon, yira omiịn ni reeghe dị eḍeenhaan mọ aZihova akiọm ni ghisigh rakoph kaḅilhẹ aaḅakị we ph’odị. Ariisi dị osereghi raraạr iphirigba epẹ emhụ agadạ phọ dị oghol mọ “Awe Dị Romeera Ḍien Phọ AZihova” ekạr eegholomhi iphẹn phọ.
IPOGH VIDIO PHỌ ORELHE OMHIỊN ESI ARARAẠR IPHIRIGBA PHỌ EPẸ WARWICK: “AWE DỊ ROMEERA ḌIEN PHỌ AZIHOVA,” KỤ EPHANYANHAẠN SIPURU PHỌ EDAPHẠN BỌ SIẸN:
Okparamhiọm omheeraam awe phọ esi Ekpo-onhụ ph’Enhaạn, Anmụny Askul aBaibul phọ umhiigh oḍighinhom ighẹn araraạr lhạ phọ 1914, kụ imhoọgh ika ekol?
Ighẹn ipaanhaạn kụ imite lhạ phọ 1916 r’alhạ phọ 1918, kụ eeghe kụ iḍeenhaan bọ m’aZihova kụ raaḅakị ni ookpomhoghan ph’odị?
Eghẹn eten kụ edị awe phọ aZihova ophamhanhạm ḍimheeraam mọ abidị etigheri isophoghom?
Eeghe iyaạr kụ edị ooḅenhion lhạ phọ 1935, kụ itir ika we phọ aZihova?
Eḍighi maạr dị nạ maghị ghan ni amhiịn esi phọ isiẹn phọ obobọ olạ agadạ eelhe phọ ayira, eeghe iyaạr dị nạ amhiịn kụ ikparamhị omheeraam anạ m’aZihova raaḅakị ni kaḅilhẹ aghoph we ph’odị?