ITUUGHẠ 16

Lọgh Aphophe Aḅilhẹ Akparamhị

Job 16:5

OGHAẠPH OOKARAGH: Gbon raraạr dị kelọgh epophe kụ eḅilhẹ enyu buphẹ ronaghạn bọ oḍighi iyaạr omiteom.

Moọgh egey ephoghom abuẹn nạ rakaạph bọ kaḅenhị. Ḍuomolhoghi mọ abuẹn r’anạ eḅọph bọ omheeraam mọ rowạ ni oḍighi idị eḅeraạn aJihova. Ghalhamọ nạ raalemhi ni bidị, pụr ri asereghiạn esi lọ oḍighi agey.

Kaaphọm r’ephomhoghiạn, k/ophin olhoghi. Maạr ayịgh bịn m’edugh oghaaphạn abuphẹ ronaghạn bọ.
U”kaaphọgh ghan iboom raraạr dị kegbirighaan onhaghạn. Kaạph mem lọ nạ rawạ otughemhiọm iyaạr bịn. Ogbogh apakirị oghaạph phọ anạ aḍighi ilọ ipẹ enhighẹ bọ.
Maạr aḍighinhom Ekpo-onhụ phọ Enaạn. Mạ aḍeenhaan raraạr lọ aJihova maḍighi, idị raḍighi, r’ilọ k’aḍighinhaan omhạr awe ghisigh. Ngọ oḍuomolhoghi aḅilhẹ akparamhị buphẹ nạ rakaạph bọ kaḅenhị.