ITUUGHẠ 12

Eenyuụm r’Olhoghoma

1 Pita 3:8

OGHAẠPH OOKARAGH: Kaaphọm r’ephomhoghiạn, r’eten olhoghonhaạn aḍighaạgh buphẹ nạ rakaaphạn bọ.

Tuutughiạn ilọ abuphẹ nạ kakaaphạn bọ. Iduọn nạ raakolhobian bọ, tuutughiạn ghan ni siphẹ ekpom mọ anạ odọ iiḅaghamhị dị bidị osoman. Kụ asighẹ mudị nạ kụ usoman iiḅaghamhị phọ.
Selẹ ikpo-onhụ kụ aḅạ. Oghaạph ph’anạ aḍighi odị kaamhanhamhi, aadereghị, aḅilhẹ anyaamhị buphẹ nạ ratughemhị bọ. Ka/ḍighinhom ikpo-onhụ ophin olhoghi, ḅilhẹ ka/kaạph ikarạph ilọ abuphẹ aJihova u/meeraam bọ obobọ ilọ aremheeraam mọ abidị.
Ḍeenhaan ḍiḅeraạn. R’eḍọgh dị eyoghoyoghọ ḅilhẹ r’omaaghiạn dị akasiạn, ḍeenhaan buphẹ nạ rakaạph bọ kaḅenhị mọ nạ amoọgh ni ogbolhomaam. Maạr eseeriom aghisigh, u”gbạ ghan mem oyịgh.

Ka/yịgh ghan obobọ akururu esi dị i/kpeanhaạn. Mem lọ nạ rabạl ḍinyạ, bạl eten dị keḍeenhaan ipẹ etir bọ oye phọ mem mọ ragẹ bọ, kuolọ k/aḍighi apeelhe. Bạl eten dị kedụgh onhaghạn, eḅilhẹ eḍighi elọ aḍiḅeraạn.