Oḍighi Dị Akpạr Iboom Dị Omhunhenhi R’olhoghonhaạn Aḍighaạgh Uwaloor Iigbia Phọ

K’amem dị mebia ni, arebenhẹ phọ Enhaạn roḍighi ghan ni iiḍighi dị eḍigh ḍiigu r’olhoghonhaạn aḍighaạgh aZihova. Ihạ phọ 1954, okpomhoghan phọ aZihova umiteom ni vidio dị oghol mọ Ookpomhoghan Phọ AZihova U/dugh Rukumuan. Abuphẹ rokumuan ghan bọ Betẹl k’uḍiemhiom oḍighi avidio phọ ghalhamọ r’iduọn ko/ḍighi ghan bọ. R’olhoghonhaạn aḍighaạgh aZihova kụ edị orue bọ oḍighi oḍighi phọ ophọn akpạr bọ ni iboom. Iphẹn phọ ekpoomhị oḅio ayira mọ eḍighi maạr dị yira obeḍenhọm aZihova yira kotue ni oḍighi torobọ oḍighi dị ungọ iyira.—Zec 4:6.

IPOGH VIDIO PHỌ OMITEOM AVIDIO PHỌ “OOKPOMHOGHAN PHỌ AZIHOVA U/DUGH RUKUMUAN,” KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe kụ iḍighi kụ osopha bọ oḍighi avidio dị aḍeenhaan oḍighi emhụ agadạ phọ?

• Ika kụ idị avidio phọ aḍeenhaan mọ aBetẹl odi idiphọ aloor oye?—1Kọr 12:14-20

• Ighẹn ipaanhaạn kụ edị abumor phọ osoman mem mọ roḍighi bọ vidio phọ, kụ ika kụ idị bidị okpạr opu?

• Iphẹn phọ itughemhị iyira eeghe ilọ iikpọ uwaloor iigbia phọ aZihova?