Nạ Ramiịn Ghan Ni Dị AZihova Rapagharanhaạn Iiḅereghị Anạ?

ABaibul phọ apamanhạm ni iiḅereghị awe dị aZihova aphanyanhaạn. Dị iikia i/lo, omheeraam arebenhẹ phọ Enhaạn akpạr ri mem mọ bidị omhiịn bọ dị aZihova anaghanhạn ilọm mọ abidị kụ aḍighi iyaạr amiteom. Esi iduọn phọ, ewạ dị yira koḅenhị ghan aZihova iyaạr dị yira okạr rowạ, kụ okparaghạ omhiịn ophagharanhaạn phọ odị. Ka/bula mọ eeni amem eten phọ odị kapagharanhaạn bọ etue ni egbatanhaạn r’ipẹ yira rowạ bọ obobọ etue ni epel ipẹ yira olhọm bọ. (2Kọr 12:7-9; Efẹ 3:20) Eeghe iyaạr kụ edị aZihova katue angọ ophagharanhaạn iiḅereghị ayira?

• Inyaạm okparạm, eephọ ekpom, obobọ omheeraam dị akpạr orue odaluạn iiḅaghamhị phọ.—Fil 4:13

• Osụ-olhoghi osophaam ogey osopha.—Jems 1:5

• Eephuạ r’inyaạm oḍighinhom iyaạr.—Fil 2:13

• Eephọ ekpom mem dị ooḅaghamhiạn aloor maḍigh.—Fil 4:6, 7

• Inyaạm okparạm obobọ iidereghị dị eego esi abunhọn awe. —1Jọn 3:17, 18

• Ongọ olhoghonhaạn aḍighaạgh buphẹ yira oghol bọ ooḅereghị.—Iiḍ 12:5, 11

IPOGH VIDIO PHỌ AZIHOVA KỤ “ONAGHANHẠM IIḄEREGHỊ,” KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị eḍeenhaan Umor phọ Shimizu kikparamhị iyira eḍighi maạr dị yira u/tue uḍighi raraạr phọ ipẹ yira oḍighi ghan bọ loor esi e/moon?

• Ika kụ idị yira kotue otuughaạny eḍeenhaan Umor phọ Shimizu?