Watchtower ONLINE LIBRARY
Watchtower
ONLINE LIBRARY
Abua
  • BIBLE
  • PUBLICATIONS
  • MEETINGS
  • lff esi ituughạ 17
  • Eeghe Odọ Oye Kụ Edị AZizọs Aru?

No video available for this selection.

Sorry, there was an error loading the video.

  • Eeghe Odọ Oye Kụ Edị AZizọs Aru?
  • Kelhọm Ghuḍum K’agee-pọ!—Ituughạ ABaibul Dị Egbolhomaam Nyinhạ
  • Subheadings
  • Similar Material
  • OLHEGHERI OBUGHẸ
  • OGHAẠPH OOKARAGH
  • WAAGHỊ AMHIỊN
  • Anhiạn Kụ AZizọs Phọ?
    Kelhọm Ghuḍum K’agee-pọ!—Ituughạ ABaibul Dị Egbolhomaam Nyinhạ
  • AZizọs Aḍighi Eeghe Mem Mọ Arọl Bọ Siẹn Ade Phọ?
    Kelhọm Ghuḍum K’agee-pọ!—Ituughạ ABaibul Dị Egbolhomaam Nyinhạ
  • “Mị Kighol Ghụn Inyina Mọ Arighirị”
    Otu Okoriom Dị Ragbeelhom Omhạr Phọ Azihova (Ituughạ)—2020
  • Kiọm Ghisigh Akpolhoghiạn “Imoom Aroozọ Phọ” Ghalhamọ Nạ Maḍiiny Ni Muụm
    Otu Okoriom Dị Ragbeelhom Omhạr Phọ Azihova (Ituughạ)—2022
See More
Kelhọm Ghuḍum K’agee-pọ!—Ituughạ ABaibul Dị Egbolhomaam Nyinhạ
lff esi ituughạ 17
Esi Ituughạ Phọ 17. AZizọs agbutọn ḍighaạgh odị raakonhom eten iiḍaạny oye dị u/moon.

ESI ITUUGHẠ PHỌ 17

Eeghe Odọ Oye Kụ Edị AZizọs Aru?

Printed Edition
Printed Edition
Printed Edition

Mem dị yira otuughạ ilọ araraạr phọ ipẹ aZizọs aghaạph bọ aḅilhẹ aḍighi siẹn ade phọ, yira komiịn ni raagharạ dị kinyu iyira oḍigh arighirị r’odị ḅilhẹ r’Odẹ ph’odị, Zihova. Ighẹn kụ iniin imạ araagharạ phọ iphẹn phọ? Kụ ika kụ idị yira kotue otuughaạny aani Zizọs siẹn aghuḍum mọ ayira?

1. Ighẹn areten kụ edị aZizọs aghịgh bọ Odẹ phọ odị?

Epẹ k’akẹ phọ, aZizọs aphogh ghan ni iḍighinhom araraạr Odẹ ephomhoghiạn phọ odị kụ aḅilhẹ atuughạ raraạr ḍighaạgh odị esi irubal asiạ. Loor iduọn phọ, odị raatughiạn ghan, kalhoghoma aḅilhẹ azọ idiphọ Odẹ ph’odị. (Ibạl Jọn 5:19.) Okạr oghaạph, aZizọs aaghironhaan Odẹ phọ odị agey dị tutụ aḅẹm mọ: “Olọ mumiịn imị mamiịn  . . . Odẹ phọ.” (Jọn 14:9) Iduọn nạ ratuughạ bọ ilọ araagharạ phọ aZizọs, nạ kakạr kụ alegheri agey aZihova. Esi omaạm, ogbolhomaam mọ aZizọs amhoọgh bọ aru esi awe aḍeenhaan idị aZihova alhoghoma aani ilọ anạ.

2. Ika kụ idị aZizọs aḍeenhaan m’onọ apomhoghiạn ni aZihova?

AZizọs aḅẹm mọ: “Mị utuạn mọ aḅirini phọ olegheri mọ mị apomoghiạn ni Odẹ phọ kụ mị atuụgh ghan bọ oomo iIọ dị atọ raḍighi ghan.” (Jọn 14:31) Mem mọ arọl bọ siẹn ade phọ, aZizọs aḍeenhaan m’onọ apomhoghiạn agey Odẹ ph’odị esi oḍighi ghan oomo ilọ dị atọ ghalhamọ r’amem dị ekpạr ri oḍighi iduọn phọ. Loor iduọn aZizọs aphomhoghiạn bọ Odẹ ph’odị, odị agbor ghan ni aghaạph ilọ odị kụ aḅilhẹ alhoghonhaạn ghan kẹn ḍighaạgh bunhọn osi asiya r’Odẹ phọ odị.—Jọn 14:23.

3. Ika kụ idị aZizọs aḍeenhaan m’onọ apomhoghiạn ni we?

ABaibul phọ aḅẹm mọ “awe isiẹn aḅirinhi phọ uḅeraạn ghan [Zizọs] oomo amem.” (Proverbs 8:31, igẹ dị edi ude) Odị aḍighi aḍeenhaan ephomhoghiạn phọ ephẹn phọ esi okparamhị ghan awe ḅilhẹ r’okuọm aloor olhoghonhaạn ghan abidị ḍighaạgh. Iiḍaạny phọ odị aḍighi ghan bọ i/ḍeenhaan ghan iikpọ dị odị amhoọgh bịn, kuolọ iḍeenhaan ghan kẹn ogbolhomaam mọ odị. (Mạk 1:40-42) Odị azoọm ghan we eyoghoyoghọ eten kụ o/sikị ghan we. Ikpo-onhụ odị ingọ ghan iidereghị r’oḍuomolhoghi oomo awe iiḅi arokpom mọ onhaghanhạn ghan bọ nyodị. AZizọs amheera ni omhiinhọm r’omhugh loor ephomhoghiạn phọ odị amhoọgh bọ aghị esi oomo awe. Kuolọ odị akạr apomhoghiạn buẹn ronaghanhạn ghan bọ itughemhị ph’odị.—Ibạl Jọn 15:13, 14.

OLHEGHERI OBUGHẸ

Ooḅeghiọn obughẹ ilọ araagharạ phọ aZizọs, r’idị yira koḍeenhaan ghan ephomhoghiạn oḅilhẹ onmo ghan inmo idiphọ aZizọs.

4. AZizọs apomhoghiạn Odẹ phọ odị

Eḍeenhaan phọ aZizọs itughemhị iyira ilọ oḍeenhaan ghan ephomhoghiạn phọ yira omhoọgh bọ oghị esi Enhaạn. Ibạl Luk 6:12 r’aJọn 15:10; 17:26. Mem dị nyinha aạl eniin esi aBaibul, iiḅeghiọn ghan ḍipuru phọ aḍiẹn:

  • Yira koḍeenhaan ika mọ yira opomhoghiạn ni aZihova idiphọ aZizọs?

AZizọs raaḅereghị.

AZizọs aphomhoghiạn Odẹ k’akẹ ph’odị kụ aḅilhẹ ghan aḅaanhaạn nyodị egbạ gbạ amem esi iiḅereghị

5. AZizọs amhoọgh ni ogbolhomaam abuẹn ekuom bọ

AZizọs awạ ghan idị kenighenhaạn bunhọn. Ghalhamọ r’amem dị aloor odị edugh ni, odị asighẹ ghan ni mem r’inyaạm odị alhoghonhaạn ghan we ḍighaạgh. Ibạl Mạk 6:30-44, kụ eeḅeghiọn sipuru phọ iphẹn:

  • Odaphạn iphẹn yira aạl bọ, ighẹn kụ iniin areten dị aZizọs aḍeenhaan ghan bunhọn ogbolhomaam?—Miịn siikpịgh phọ 31, 34, 41, r’42.

  • Eeghe kụ inyu ghan bọ Zizọs olhoghonhaạn awe ḍighaạgh?—Miịn ekpịgh phọ 34.

  • Idiphọ aZizọs aaghironhaan bọ raagharạ phọ aZihova eḅenhị nyinhạ eeghe ilọ aZihova?

  • Ighẹn kụ iniin areten dị yira kotue otuughaạny Zizọs oḍeenhaan ghan ogbolhomaam bunhọn?

Eten iiḍaạny aZizọs angọ ni simuunịr awe eḍien esi oḍighi idị oogh iiḅoghoḍi abrẹd r’iyạl ibạm ina dị opariọn kebụgh. Abumatuạn phọ udi ni eḍien phọ lhephiri, r’anmariịr, ḅilhẹ r’ibạm anmụny.

6. AZizọs oye inmo

AZizọs anmo ghan ni inmo ghalhamọ r’iduọn odị u/moọgh bọ ni ibadị araraạr, kụ odị uḅenhị iyira mọ onmo aani ghan inmo. Ibạl Iiḍighi 20:35, kụ eeḅeghiọn ḍipuru phọ aḍiẹn:

  • Odaphạn ipẹ aZizọs aghaạph bọ, yira koḍighi eeghe kụ omoọgh oḅaạl olhoghi?

Ipegh VIDIO phọ, kụ eeḅeghiọn ḍipuru phọ edaphạn bọ siẹn.

AVIDIO: ‘Ibo k’Enaạn Edianaan Buphẹ Rongọ Ghan Bo’—Ookpera phọ (4:00)

  • Ighẹn kụ iniin areten dị yira kotue onmo ghan inmo, ghalhamọ yira u/moọgh in iboom araraạr?

Nạ Alegheri Ni?

ABaibul phọ utughemhị iyira ooḅereghị ghan ongọ aZihova kụ okureriom r’aḍien aZizọs. (Ibạl Jọn 16:23, 24.) Mem dị yira ooḅereghị eten phọ ephẹn phọ, yira roḍeenhaan ghan mọ yira osereghiạn ni ipẹ aZizọs ulhoghonhaạn bọ iyira ḍighaạgh oḍighi arighirị aZihova.

ABUNIIN AWE OOTUGHIẠN MỌ: “Re/tir ghan Enhaạn mem dị yira romiinhọm.”

  • Eḍighi bọ idị aZizọs aaghironhaan raagharạ Odẹ ph’odị, ika kụ idị ipẹ odị azọ ghan bọ eḍeenhaan mọ aZihova amoọgh ni ogbolhomaam ayira?

OGHAẠPH OOKARAGH

AZizọs apomhoghiạn aZihova, aḅilhẹ apomhoghiạn we. Loor esi iduọn aZizọs aghịgh bọ Odẹ ph’odị, iduọn nạ ralegheri bọ Zizọs kabughẹ, ipẹ kụ idị nạ kalegheri aani aZihova kẹn.

Ooḅula

  • Ika kụ idị yira kotue oḍeenhaan aZihova ephomhoghiạn, idiphọ aZizọs?

  • Ika kụ idị yira koḍeenhaan we ephomhoghiạn, idiphọ aZizọs?

  • Eghẹn eegharạ aZizọs kụ ikạr eḅeraạn nyinhạ?

Aḍiigbu

WAAGHỊ AMHIỊN

Ḅeeḅeghiọn iniin araagharạ aZizọs dị yira kotue otuughaạny.

“Orue Otuughaạny AZizọs, Pọ . . .” (AZizọs—Eten phọ, Igey phọ, r’Aghuḍum mọ, opoḍi phọ 317)

Tuughạ alhegheri iyaạr phọ ewạ bọ mọ okureriom ghan iiḅereghị ayira r’aḍien phọ aZizọs.

“Uḍighi Ika Kụ Kooḅereghị Bọ Esi Aḍien Phọ AZizọs?” (The Watchtower, February 1, 2008)

ABaibul phọ akaạph ni iyaạr ilọ aḍimite phọ aZizọs?

“AZizọs Arọl Ika?” (Edi Intanẹt)

Yira otuughạ eeghe esi ipẹ aZizọs azoọm ghan bọ nmariịr?

“Eegu r’Eghuan Eeḍiạn Iiḅakiọm Enhaạn” (The Watchtower, September 1, 2012)

    Abua Publications (2001-2025)
    Log Out
    Log In
    • Abua
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share