EKPỊGH 5

Aḍigbogh Aḍigho phọ—Buanhiạn Kụ Unaghanạn? Buanhiạn Kụ Edị U/naghạn?

Ogbogh opol awe dị orọl mem mọ aNoa uḍighi ghan ipẹ i/nighẹ bọ.Genesis 6:5

Ikarạph aruukaạny ukpologhiạn yogh sizu awe pidị bidị otue opinogh nmariịr

Adạm r’Iv umoọgh ni ibạm anmụny, kụ awe oḍighi ibadị siẹn ade phọ. Amem eru eteẹny dị opol aruukpaạny oḍighan aani igbagharạn phọ aSetan.

Bidị uru ni siẹn ade phọ okpologhiạn yogh sizu awe pidị bidị otue opinogh nmariịr. Anmariịr phọ umaraghị ni nmụny dị oḍighi oba-awe dị ogạm ghan oḅilẹ omoọgh iikpọ. Awe dị oḍighi yogh ghan ikarạph araraạr omuza aḅirini phọ.

Obạm oọny dị raporoghom ḍigiph anhịr dị aphạm moọny; Oba-awe, anmụny dị ikarạph aruukpaạny omiteoghom, dị oḍighi we iigamhanhiạn

ABaibul phọ aḅẹm mọ: “Ikarạph phọ oye iipaany ni siẹn ade phọ. Kụ eephuạ iituughiạn ekpom mọ odị eeph ghan bịn oomo amem mọ.”

ANoa anaghanạn Enaạn kụ akạ oghuugh. Genesis 6:13, 14, 18, 19, 22

ANoa aḍighi ogey oye. AJihova aḅenị Noa mọ onọ kapiemiom bukarạph awe phọ ḍigbogh aḍigho.

ANoa r’eghun otu odị rokạ oboom oghuugh phọ oghol bọ mọ akụ phọ

Enaạn aḅenị Noa mọ akạ oboom oghuugh, dị oghol mọ akụ, ḅilẹ mọ asighẹ eghunotu odị r’atorobọ odọ enhạm alọgh ologhi phọ.

ANoa aphụr ri rurụ we phọ ilọ Amuụm Adighogh phọ kuolọ bidị umiloghạn ghun nyodị

ANoa aphụr ri rurụ we phọ ilọ aḍigho phọ retu bọ, kuolọ bidị u/naghạn. Buniin umilọgh ghan ni Noa; bunhọn olọgh nyodị ḍien.

ANoa r’eghun otu odị ooḅakị inhạm rolọgh siphẹ oghuugh phọ

Mem dị okạ bọ akụ phọ omadạn, aNoa adoghoḍi ni inhạm mọ ologhi.