Mị Masianhaan Ni?
Mị Masianhaan Ni Odạph Ookpomhoghan Phọ Oghaạph Iiḅi Iinhaghạn Phọ?
Kotue ni oḅẹm mọ nạ masianhaan oḍighi okaaphọm dị muụm k”oḍiiny eḍighi maạr dị nạ . . .
Agbor ghan atuughạ Baibul phọ, aaḅereghị aḅilhẹ aghị ghan ituughạ.
Aphomhoghiạn aḅilhẹ amheeraam ipẹ nạ matuughạ bọ kụ rawạ ni oḅenhị aani abunhọn ipẹ nạ matuughạ bọ.
Aphomhoghiạn aZihova aḅilhẹ asaḅạr righirị dị ophomhoghiạn aani nyodị.
U/ḍighan mun itooghị imirighan obobọ ruukụ iiḅereghị okpẹ.
Radaphạn ni siigbu phọ aZihova kụ aḅilhẹ rawạ oḍighi oniin onyọ Ogbaanhaạn aZihova.
Eḍighi maạr dị nạ aatughiạn mọ nạ masianhaan ni odạph ookpomhoghan phọ omite epẹ erugh phọ, pọ ḅenhị otughemhiạ phọ anạ, odị kaḍighi ni idị nạ kateẹny ikumor awe phọ pidị oḅenhị nyinhạ ilọ oḍighi kụ osianhaan.
Mị Masianhaan Ni Oḍiiny Amuụm?
Kotue ni oḅẹm mọ nạ masianhaan oḍiiny amuụm eḍighi maạr dị nạ . . .
Maḍighi okaaphọm dị muụm k”oḍiiny.
Alhọgh ghan inyaạm oghaạph iiḅi iinhaghạn phọ oomo amem.
Rabakị ghan kaḅilhẹ adaphạn iiḅakiọm ‘ebenhẹ phọ asụ bọ olhoghi aḅilhẹ akpẹ oḍuomolhoghi.’—Matiu 24:45-47.
Maḅọgh loor anạ angọ aZihova esi iiḅereghị kụ rawạ okumu odị k’agee-pọ.
Eḍighi maạr dị nạ aatughiạn mọ nạ masianhaan ni oḍiiny amuụm, pọ ḅenhị otughemhiạ phọ anạ, odị kaḍighi ni idị nạ kateẹny ikumor awe phọ pidị oḅenhị nyinhạ ilọ oḍighi kụ osianhaan.