Araraạr Dị Emite

Ḍeenhaan Oomo Awe Igbiririph

Ḍinhiin aḍio, onyọ umaranhi epẹ New Zealand aphogh ni vidio phọ “Have . . . Concern for One Another,” eghaạph bọ mọ aZihova amoọgh kụ aḅilhẹ raḍeenhaan ghan igbiririph. (Isa. 63:7-9) Kụ odị asopha osighẹ oḍighinhom ipẹ odị matuughạ bọ esi owạ eten dị odị katue aloghonhaạn oye ḍighaạgh. Mobọ aḍio phọ aḍiphẹ phọ mem dị odị rakooghi raraạr, kụ odị amhiịn anhịr dị u/moọgh otu orọl, kụ odị apuru anhịr phọ mughumọ odị atue ni akoonhaan nyodị eḍien. Anhịr phọ amheera ni. Kụ umaranhi phọ agho eḍien phọ aru angọ anhịr phọ, kụ asighẹ eepoogh phọ epẹ phọ angoọm anhịr phọ ogbaanhaạn r’atrakt phọ, Amem Ketọl Li Dị Iminimiịn Kesi Eekuna?

Kụ anhịr phọ amhiigh emoghi. Kụ aḅẹm mọ odẹ r’onhiin odị uḍighi ghan Bugbaanhaạn kụ otughemhị nyodị igey phọ, kuolọ odị o/phoph oghị ghisigh siẹn igey phọ. Dị ke/kạr ri ebia, kụ edị odị amhiigh ooḅereghị mọ aZihova alhoghonhaạn nyodị ḍighaạgh obula isiẹn ookpomhoghan phọ. Kụ anhịr phọ amheera oḅilhẹ omhiigh otuughạ aBaibul phọ.a

Idiphọ aZihova, yira kotue ni oḍeenhaan igbiririph we, idiphọ asiya ayira, ḅilhẹ r’abumor r’abumaranhi phọ. Kụ yira kotue kẹn ni oḍeenhaan igbiririph esi owạ ghan aroopoogh ongọ abunhọn ogbaanhaạn.