Wạ Egey Esi Kụ Arọl Atuughạ

Keḅeraạn ni nyinhạ oghelhọm obughẹ ituughạ aBaibul ogina anạ ḍughụm? Araraạr phọ yira kooḅeghiọn bọ siẹn kelhoghonhaạn nyinhạ ḍighaạgh ogbon ituughạ phọ anạ:

• Wạ esi dị ekuạ. Lọ edugh ni, wạ esi dị ekuạ, aḍiḅaạl edi, ḅilhẹ araraạr i/muza kụ arọl. Tọl esi dị idaabilị edi obobọ esi dị ephọ epẹ erugh.

• Ogina anạ bịn kụ arọl. AZizọs asaḅạr ooḅereghị “eḅon aḍiroọr” ekpisi “dị enamian.” (Mạk 1:35) Eḍighi maạr dị i/dugh dị ogina anạ bịn kụ katọl, pọ nạ atue ni aḍighi idị abuọ eghunotu anạ obobọ opọ r’anạ edi ghan bọ otu kalegheri mem mọ nạ ratuughạ ghan bọ, kụ alhọm mọ bidị nyinhạ kuu/ḅaghamhị.

• Ka/meera iyaạr egbaragbaramhị nyinhạ. Kel raraạr dị kegbaragbaramhị nyinhạ. Eḍighi maạr dị nạ asighẹ fon kụ ratuughaạm, pọ pụr aghomhe obobọ ḍighi idị aḍimhạgh ke/tu mem mọ amuphẹ phọ. Kụ eḍighi maạr dị nạ aatughiạn raraạr oḍighi olhoghi otu obobọ ekpisi oghị iduọn nạ ratuughạ bọ, pọ gẹ alhọgh esi kụ aḍighi mem dị nạ mamhadạn. Eḍighi iyaạr dị iitughiạn anạ i/gbon mun siphẹ ituughạ phọ, pọ telhe aagburonhụ.