‘Tit pi Mwaka ma Jehovah Bitimo Iye Ber bot Dano’

‘Mwaka ma Jehovah bitimo iye ber bot dano’ pe obedo mwaka kikome

61:1, 2

• Obedo kare ma Jehovah bimiyo bot jo ma mwol ni guyer me jolo nyo kwero kwenane me bedo agonya

• I cencwari me acel, mwaka man ocakke i kare ma Yecu ocako ticce me pwony i mwaka 29 K.M. ci ogik i “kare me culo kwor” pa Jehovah i mwaka 70 K.M. ma kituro Jerucalem woko

• I karewa-ni, mwaka me timo ber bot dano ocakke i kare ma kiketo Yecu calo kabaka i polo i mwaka 1914 ci bigik ki twon can madit atika-ni

Jehovah omiyo ‘yadi madongo me kit ma atir’ bot jone

61:3, 4

• Yadi maboco loyo ki i wi lobo ducu pol kare gidongo kacel i bunga, ka ma yadi mukene gimiyo teko me dongo bot luwotgi

• Lwit yadi madongo magi nongo gudwalle i kom luwotgi, man miyo gicung matek kadi yamo magwar okodo

• Yadi maboco bene gimiyo tipu ki yadi ma pud tino, dok obokegi ma poto piny medo moc cam i ngom

Jo ducu ma gitye i kacokke pa Lukricitayo i wi lobo-ni ginongo cwak ki gwok pa “yadi me kit ma atir” ma gin aye udong jo ma kiwirogi