Kabedowa me Intanet—Ti Kwede i Ticci me Pwony

Cuk Cwiny Dano me Tic ki Kabedowa me Intanet: Jo mogo ma gilworo lok kwedwa nyo gamo bukkewa gitwero kwedo lok i kom Lucaden pa Jehovah ki pacogi i mung, kun gitiyo ki kabedowa me www.pr418.com. Pi meno, tit bot dano lok ma kwako kabedowa me Intanet teke kare onen.

Ti Kwede me Gamo Lapeny: I kine mukene rwod ot, ngat ma onyuto miti, nyo ngat mo ma ingeyo twero penyo lapeny i kom Lucaden pa Jehovah nyo gin ma waye iye. Nyute lagam cutcut kun itiyo ki cim cing ma tye ki Intanet nyo kompiuta. Bedo ber loyo ka ikwano ginacoya ma kimiyo ki i Baibul kikome. Ka pe itye ki Intanet, itwero tito bote kit ma en twero nongo kwede lagam ki i www.pr418.com.—Cit i jw.org, ci igwel “Pwony me Baibul/Lapeny ma Kigamo me Baibul” (“Bible Teachings/Bible Questions Answered”) nyo “Lok i Komwa/Lapeny ma Kimaro Penyo” (“About Us/Frequently Asked Questions”)

Cwal Pwony nyo Bukkewa bot Ngat ma Ingeyo: Ket PDF nyo EPUB ma ikwanyo kacel ki email ma ibicwalo. Nyo kwany bukke ma kimako i dwan keken ci iket i CD. Kare ducu ma imiyo bot ngat ma peya onongo batija buk, brocuwa, nyo magajin ma olu ma ikwanyo ki i Intanet, itwero coyone calo bukke ma ipoko. Ngatti mo pe myero ocwal bukkewa i mung labongo titte, nyo gin mapol tutwal. Pe omyero bene kiket i Kabedo me Intanet mukene.—Cit i “Bukke.”

Nyut Lok Angeya Manyen Loyo i kom Lucaden pa Jehovah: Man bikonyo lutino kwan me Baibul ki jo mukene ma idok ka limogi me dongo pwoc pi ticwa ma orumo twok loboni ducu ki notewa macalo Lukricitayo. (Jab. 133:1)—Cit i “Lok Angeya” (“News”)

[Dayagram i pot karatac 5]

(Pi kit ma kiyubo ni onen kwede, nen buk)

Tem Tic Kwede

1 I te wi lok me “Bukke,” itwero nongo pwony ma imito kwanyone, ci igwel ka ma nyuto kit me kwanyone.

2 Gwel bok me MP3 me nyuto pwony mapatpat ma kiryeyogi. Gwel wi lok me pwony ma imito, me cako kwanyone nyo igwel ▸ me winyone ki i Intanet.

3 Yer leb mukene ki i kin ma kiryeyogi kany ka imito kwanyo bukke i leb mukene.