Tika Itye ka Yubbe pi Nipo?
I nino dwe 13 me Nican me mwaka 33 K.M., Yecu ongeyo ni edong ki otyeno acel keken ki lupwonyene, ma peya kineke. En onongo bikwero kwer me Kato kacel kwedgi ka dong cako kwer mukene ma kilwongo ni Cam me Otyeno pa Rwot. Nino ma pire tek man onongo mito yubbe con. Pi meno, en ocwalo Petero ki Jon me cito ka yubo kabedo pi kwer man. (Luka 22:7-13) Nicakke i kare meno, Lukricitayo ma gitye ki miti me kwero Nipo myero guyubbe pi kwer man. (Luka 22:19) Ngo ma myero watim me yubbe pi Nipo ma bibedo i nino dwe 3 me April?
Yubbe ma Mitte pi Lutit Kwena:
Ket yub me nywako i rwec me poko karatac me lwongo pi Nipo
Co nying lutino kwanni me Baibul, wadini, lutino kwan luwoti, lutic luwoti, ki jo mukene ma ingeyogi ci ilwonggi pi kwer me Nipo.
Kwan dok ilwod wang Baibul ma kiyero me akwana pi kare me Nipo
Bin i kwer me Nipo ma iyubbe pi jolo wele.