Nong Ryeko pi Kwo me Nino Ducu ki i JW.ORG

Lok pa Lubanga miniwa jami ducu ma mitte me lweny ki peko i kare man me agikki-ni. (2Tem 3:1, 16, 17) Kadi bed kit meno, i kine mukene wamito kony me nongo cik ma igi lac me Baibul ma twero konyowa me lweny ki peko moni kikome. Me labolle, tika itye lanyodo ma tye ka yenyo tira i kom kit me gwoko lutinoni? Tika itye dano me mwaka apar ki wiye ma kitye ka temo niyene? Tika itye ka kumu pi to pa dakoni nyo cwari? Ibinongo jami ma twero konyi i jw.org ma nyutti cik ma igi lac me Baibul ma twero konyi me lweny ki peko meno ki mukene mapol ata.—Car 2:3-6.

Ka iyabo jw.org, di PWONY ME BAIBUL. (Nen cal me 1.) Ci iyer gin ma itye ka mitone ki i kin jami ma kiryeyogi piny-nyi. Nyo di LAIBRARI > PWONY MA KATI KARE KI KARE ci dong iyer gin ma imito. (Nen cal me 2.) Itwero bene nongo jami magi ki i JW Laibrari^®.a Itwero kwano gin ma imito ki i kabedo aryo magi ducu. Yo mukene ma itwero tic kwede aye me coyo gin ma itye ka yenyone i bok ma kicoyo iye ni, “co nyig lok” i jw.org.

Co jami calo ma kinyutogi piny kany-nyi i bok meno, ci dong ico piny pwony ma loko i kom gin ma itye ka yenyone ma imito ni ikwangi.

• Gwoko lutino

• Lutino ma cwinygi otur

• To pa luoti