Lok ma Tye Piny

a Kit macalo wan ducu watye ki roc, watwero waco nyo timo gin mo ma cwero cwiny omegiwa ki lumegiwa. Gin ango ma omyero watim ka gin ma kit meno otimme? Tika itute ki tekoni ducu me yubo wat ki omeru nyo lameru? Tika pe igalle ki kwayo kica? Nyo mono watamo ni ka cwinye ocwer, meno pekone, pe megwa? Nyo ket ni wan cwinywa cwer oyotoyot pi jami ma jo mukene giwaco nyo gitimo. Tika wagengo ngewa ki waco ni meno kitwa dok pe watwero lokke? Nyo mono waneno meno macalo gorowa ma mitte ni wati matek me loyone?