¿Wach ropis Uʼatbʼal Tzij i Dios?

¿WACH KUBʼIJ I BIBLIA?

«I Dios aj chikaj kuʼan ni jun kʼijibʼal re ajawinik [atbʼal tzij] chi lik kwulijsax taj» (Daniel 2:44, I LOʼLAJ TZIJ RE I DIOS, SBG).

«I Dios xuya jun qakʼal lik yatal puʼabʼ chi are ire krajawinik [kuʼat tzij]» (Isaías 9:6).

¿WACH ATOʼIK KUʼANO RETAMAXIK IRI?

• Rumal are jun gobierno lik sukʼulik kojuto chqajujunal (Isaías 48:17, 18).

• Xa jubʼiʼ chik kraj kojkʼiji chwach jun uwach jyubʼ taʼaj pa nti wi chik yobʼil i ronojel is kikotemal (Apocalipsis 21:3, 4).

¿UTZ NUWI KAKOJO I KUBʼIJ I BIBLIA?

Utz, o kebʼ rumal:

• Jesús xukʼutu wach kuʼan Uʼatbʼal Tzij i Dios. Ire xukʼut chke utijoxelabʼ chi kitzʼonoj chi chpet Uʼatbʼal Tzij i Dios y chuʼana ni uraybʼal i Dios waral chwach Jyubʼ Taʼaj (Mateo 6:9, 10). Y mis xukʼutu wach u’anik ku’ana cumplir iri.

  Are xkʼun waral chwach Jyubʼ Taʼaj, xeʼutzuqu i kenumik, xerutzirsaj iwabʼibʼ y mis xukʼunsaj saq chkiwach i je kamnaq (Mateo 15:29-38; Juan 11:38-44). Jesús reta’am chik chi ire ku’an Rey pa U’atb’al Tzij i Dios chila chikaj, rumali xuya retamaxik wach kuʼan Uʼatbʼal Tzij i Dios chqawach panoq (Apocalipsis 11:15).

• I katijin rikʼawik woʼor che ronojel uwach Jyubʼ Taʼaj kukʼutu chi ya kkʼun Uʼatbʼal Tzij i Dios. Jesús xubʼij chi are kʼamajaʼ kkʼun Uʼatbʼal Tzij i Dios chwach Jyubʼ Taʼaj kanoj ni che chʼoʼoj, numik y kabʼraqan (Mateo 24:3, 7).

  Are kojtijin chirilik woʼor. Rumali lik qakojo chi Uʼatbʼal Tzij i Dios ya kusach uwach ronojel kʼaxkʼolil.