¿Saʼ uʼanik kamaj laa ri kubʼiʼij ri Biblia junaam ruukʼ wa wuuj?
Echiriʼ kʼamajaʼ kakʼam laa ri kʼutunik re ri Biblia, chila laa ri tzʼibʼital wara. Tekʼuchiriʼ chila laa ri VIDEO.
NABʼE
Echiriʼ kʼamajaʼ kakʼam laa ri kʼutunik ruukʼ ri tijoneel, chila laa ri nabʼe uxaq chi kijujunal kʼutunik, xew kopon laa pa kubʼiʼij wi: «Nimarisaj ri naʼoj laa». Ri taq tzʼonobʼenik kʼo jun número che (A). Ri texto esaam chupa ri Biblia uʼanom más eq re toʼbʼal e laa (B). Pa ri texto kubʼiʼij «Chila laa» utz tzukuj laa chupa ri Biblia.
UKAʼM
Pa kubʼiʼij wi «Nimarisaj ri naʼoj laa» kubʼiʼij ri kamaj laa chupa wa kʼutunik (C). Ri chʼaʼteem más chirajawaxik kʼo jun número che (D). Chila alaaq junaam ruukʼ ri tijoneel ri taq texto, kʼulu laa uwach ri taq tzʼonobʼenik kʼo chupa ri kʼutunik y chila alaaq ri taq video.
RI TAQ VIDEO. Pa kubʼiʼij wi: video, kariq laa ri taq video kachʼaʼt puwiʼ ri kubʼiʼij ri kʼutunik. Jujun taq video kukʼutu ri kʼax kikʼulumam pa ri kikʼaslemaal. Kʼo jujun chik video xa kʼutubʼal re kakiyaʼo.
Chila alaaq ri taq kʼaxwach y ri tzʼibʼitalik che ri kʼaxwach (E). Pa kubʼiʼij wi «Ri kakibʼiʼij jujun chik» kʼo taq tzʼonobʼenik, utz kachʼobʼ laa saʼ ukʼulik uwach kaʼan laa (F).
UROX
Che ri kʼisbʼal re ri taq kʼutunik chila alaaq «Ri xmaj laa» y pa kubʼiʼij wi «Kojchʼaʼt che ri xmaj laa» (G). Echiriʼ kakʼis laa ri kʼutunik tzʼibʼaj laa ri qʼiij xkʼis laa. Pa kubʼiʼij wi «Utz kaʼan laa waʼ» kuya pixabʼanik che laa. We kaʼan laa waʼ, kutoʼ laa pa ri kʼaslemaal laa (H). Pa kubʼiʼij wi «Kamaj laa más» kariq laa más wuuj y video (I).
Ri taq kʼutunik kʼo chupa wa wuuj
|
|
Ri 13 kʼa che ri 33 |
Ri 37 kʼa che ri 47 |
Ri 48 kʼa che ri 60 |
Ri taq nota |
¿Saʼ uʼanik kariq laa ri chʼaʼteem re ri Dios chupa ri Biblia?
Ri Biblia kʼo 66 libro che. Ri nabʼe e ri Escrituras Hebreoarameas y rukaʼm e ri Escrituras Griegas Cristianas. E kʼo jujun tikaweex kakibʼiʼij che Antiguo Testamento y Nuevo Testamento.
Echiriʼ katzukuj laa juna chʼaʼteem re ri Dios (kabʼix che texto) chupa ri Biblia, nabʼe katzukuj laa rubʼiʼ ri libro (A), tekʼuchiriʼ katzukuj laa ri nabʼe número, e ri capítulo (B) y rukaʼm número e ri versículo (C).
Jun kʼutubʼal re, pachaʼ ri Juan 17:3 kabʼiʼxik «ri libro re Juan, capítulo 17, versículo 3».