¿Saʼ uʼanik ketaʼmaj laa chi kijujunal kʼutunik kʼo chupa wa wuuj?
Chila laa upa wa wuuj ruukʼ jun tijoneel. Tzʼonoj laa che ri xyaʼw re ri wuuj che laa kuya ri kʼutunik o tzʼonoj laa pa ri qa-sitio re Internet, jw.org re kebʼopon ukʼ laa.
NABʼE
Che ronoje ri kʼutunik chila laa upa ri tzʼibʼitalik. Ri taq tzʼonobʼenik kʼo jun número che (A). Ri texto esaam chupa ri Biblia uʼanom más eq re toʼbʼal e laa (B). Pa ri texto kubʼiʼij «chila laa», tzukuj laa chupa ri Biblia.
UKAʼM
Pa kubʼiʼij wi «Nimarisaj ri naʼoj laa» kubʼiʼij ri ketaʼmaj laa (C). Ri más chirajawaxik kʼo jun número che (D). Chila laa upa ri taq texto, kakʼul laa uwach ri taq tzʼonobʼenik y chila laa ri taq video (E).
Chila laa ri taq kʼaxwach y ri tzʼibʼitalik che ri kʼaxwach (F). Pa kubʼiʼij wi «Ri kakibʼiʼij jujun chik» kʼo taq tzʼonobʼenik, utz kachʼobʼ laa saʼ ukʼulik uwach kaʼan laa (G).
UROX
Kʼisbʼal re ri kʼutunik chila laa «Ri xmaj laa» y pa kubʼiʼij wi «Kojchʼaʼt che ri xmaj laa» (H). Echiriʼ kakʼis laa ri kʼutunik tzʼibʼaj laa ri qʼiij xkʼis laa. Pa kubʼiʼij wi «Utz kaʼan laa waʼ» kuya pixabʼanik che laa. We kaʼan laa waʼ, kutoʼ laa pa ri kʼaslemaal laa (I). Pa kubʼiʼij wi «Kamaj laa más» kariq laa más wuuj y video (J).
¿Saʼ uʼanik kariq laa ri texto chupa ri Biblia?
Ronoje ri taq texto kʼo jun libro (A), capítulo (B) y versículo che (C). Jun kʼutubʼal re, pachaʼ ri Juan 17:3 kabʼiʼxik «ri libro re Juan, capítulo 17, versículo 3».