Watchtower KʼOLIBʼAL RE RI TAQ WUUJ PA INTERNET
Watchtower
KʼOLIBʼAL RE RI TAQ WUUJ PA INTERNET
achí de rabinal
  • BIBLIA
  • RI TAQ CHAPABʼAL
  • REUNIONES
  • lff kʼutunik 4
  • ¿China nawi ri Dios?

No hay ningún video disponible para este elemento seleccionado.

Lo sentimos, hubo un error al cargar el video.

  • ¿China nawi ri Dios?
  • ¡Kariq laa jun kiʼkotemal pa ri kʼaslemaal laa na jinta ukʼisik! Maja laa ri kubʼiʼij ri Biblia
  • Subtítulos
  • NIMARISAJ RI NAʼOJ LAA
  • RI XMAJ LAA
  • KAMAJ LAA MÁS
¡Kariq laa jun kiʼkotemal pa ri kʼaslemaal laa na jinta ukʼisik! Maja laa ri kubʼiʼij ri Biblia
lff kʼutunik 4
Kʼutunik 4. Jun kʼaxwach re ruwakaaj kʼo chʼumiil chwach.

KʼUTUNIK 04

¿China nawi ri Dios?

Edición impresa
Edición impresa
Edición impresa

Che ri jeqebʼal ke ri tikaweex, ri tikaweex kiyakom kiqʼiij kʼiyal taq tyox. Pero ri Biblia kubʼiʼij kʼo jun Dios «e Rire lik nim pakiwi konoje taq ri dios» (2 Crónicas 2:5). ¿China wa jun Dios? Y ¿saʼ kaʼanaw che lik nim pakiwiʼ wa taq tyox kakiyak kiqʼiij ri tikaweex? Chupa wa kʼutunik kamaj laa china ri Dios y ketaʼmaj laa puwiʼ rire.

1. ¿Saʼ rubʼiʼ ri Dios y suʼchaak qetaʼam e rire karaaj kaqetaʼmaj rubʼiʼ?

E rire kabʼiʼin re pa ri Biblia: «Riʼin in […] Jehová, e nubʼiʼ waʼ» (chila laa Isaías 42:5, 8). Rubʼiʼ ri Dios tzʼibʼital pa ri chʼaʼteem hebreo y qʼatisaam pa ri qachʼaʼteem «Jehová». Rachijaabʼ kʼo kʼi kinaʼoj kakibʼiʼij e rubʼiʼ ri Dios e keʼelawi, «e rire kaʼanaw re kuʼan na». Ri Jehová lik karaaj kaqamaj rubʼiʼ (Éxodo 3:15). ¿Suʼchaak nawi kaqabʼiʼij waʼ? Ma e rire xutzʼibʼaj rubʼiʼ chupa ri Biblia 7 mil laaj.a Kabʼiʼx che Jehová «Rire e DIOS kataqan chilaʼ chikaj yey kʼo wara che ruwachulew» (Deuteronomio 4:39).

2. ¿Saʼ kubʼiʼij ri Biblia chaqe puwiʼ ri Jehová?

Ri Biblia kubʼiʼij ri tikaweex kakiyak uqʼiij ri taq tyox, pero xa jun Dios kʼolik chilaʼ chikaaj, e ri Jehová. ¿Suʼchaak nawi kaqabʼiʼij waʼ? Kʼo jujun umajik usukʼ. Nabʼe, e «Jun Lik Kʼo Uwach Uqʼiij che ronoje ruwachulew», e ri Jehová kataqan che ruwachulew (chila laa Salmo 83:18). Ukaʼm, e ri Dios «kʼo ronoje unimal chuqʼabʼ puqʼabʼ», e keʼelawi lik kʼo uchuqʼabʼ re kuʼan ronoje ri karaaj kuʼano. Urox, e Rire xʼanaw re «ronoje ri kʼolik» ri kaaj uleew y konoje ri kʼo kikʼaslemaal wara chwachulew (Apocalipsis 4:8, 11). Xew ri Jehová xex kʼo wi y na jinta ukʼisik rukʼaslemaal (Salmo 90:2).

NIMARISAJ RI NAʼOJ LAA

Qilaʼ woʼora suʼchaak rubʼiʼ ri Dios na junaam ta ruukʼ ri taq bʼiʼaj kikojom che. Jehová e ubʼiʼ waʼ, xew che rire taqal wi wa bʼiʼaj. Y kaqetaʼmaj saʼ uʼanik kuya chi retaʼmaxik rubʼiʼ y suʼchaak karaaj kaqetaʼmaj rubʼiʼ.

Jun achi katzuʼn pan chwach ruwakaaj chaqʼabʼ. Rubʼiʼ ri Jehová tzʼibʼital chwach ruwakaaj.

3. Kʼi rubʼiʼ ri Dios kabʼiʼx che, pero xa jun rubʼiʼ kʼolik

Qilaʼ jun kʼutubʼal re, jun tikaweex ruma ri kuʼano, kʼi rubʼiʼ kakibʼiʼij che. Pero na junaam ta ruukʼ ri saqiil ubʼiʼ, chila alaaq ri VIDEO y chʼaʼta alaaq puwiʼ ri tzʼonobʼenik:

VIDEO: Kʼi taq rubʼiʼ kabʼiʼx che ri Dios, pero xa jun rubʼiʼ kʼolik (0:41)

  • E kakibʼiʼij che ri Dios, Qaqaaw, pero ¿suʼchaak nawi na junaam ta ruukʼ rubʼiʼ?

Ri Biblia kubʼiʼij e kʼi ri tikaweex kakiyak uqʼiij kʼiyal taq dios y ri taq ajwach. Chila alaaq Salmo 136:1-3 y chʼaʼta alaaq puwiʼ ri tzʼonobʼenik:

  • ¿China nawi wa «DIOS kʼo pakiwi jujun taq chik dios» y ri «Aj Wach pakiwi taq ri kʼo kiwach»?

4. Jehová karaaj e ri laal ketaʼmaj laa y kabʼiʼij laa rubʼiʼ

¿Suʼchaak nawi qetaʼam e ri Dios karaaj ketaʼmaj laa rubʼiʼ? Chila alaaq ri VIDEO y chʼaʼta alaaq puwiʼ ri taq tzʼonobʼenik:

VIDEO: ¿Kʼo nawi ubʼiʼ ri Dios? (xa chʼaqaap che ri video) (3:11)

Jun kʼaxwach re ri video: ¿Kʼo nawi ubʼiʼ ri Dios? (xa chʼaqaap che ri video). Jun achi xuriq rubʼiʼ ri Dios, Jehová, pa Salmo 83:18 chupa ri Biblia ubʼiʼ ‘King James Versionʼ re ri junabʼ 1611.
  • ¿Kachʼobʼ nawi laa e ri Dios karaaj ketaʼmaj laa rubʼiʼ? ¿Suʼchaak nawi kachʼobʼ laa waʼ?

Jehová karaaj e taq ri tikaweex kakibʼiʼij rubʼiʼ. Ri Biblia kubʼiʼij: «Konoje ri kakitzʼonoj toʼbʼal ke chupa rubʼiʼ ri Jehová kekolobʼetaj na» (Romanos 10:13, La Biblia. Traducción del Nuevo Mundo). Chʼaʼta alaaq puwiʼ ri taq tzʼonobʼenik:

  • ¿Suʼchaak nawi lik chirajawaxik kaqabʼiʼij rubʼiʼ ri Jehová?

  • ¿Saʼ kanaʼ ri laal echiriʼ junoq kubʼiʼij ri bʼiʼ laa?

  • ¿Saʼ kunaʼ ri Jehová echiriʼ kabʼiʼij laa rubʼiʼ?

5. E ri Jehová karaaj kaʼan laa ramigo

Jun ixoq ubʼiʼ Soten, aj-Camboya, xubʼiʼij e ri ketaʼmax rubʼiʼ ri Dios más utz ri kukʼulumaj junoq pa rukʼaslemaal. Chila alaaq ri VIDEO y chʼaʼta alaaq puwiʼ ri tzʼonobʼenik:

VIDEO: Lik xintzukuj ri Dios (8:18)

Ri taq kʼaxwach re ri video ‘Lik xintzukuj ri Dios.ʼ 1. Ri Soten tzʼul chuxeeʼ jujun taq cheʼ, katzuʼn pan chikaaj y kachʼaʼt pan ruukʼ ri Dios kʼaslik. 2. Ri Herold kukʼut che ri Soten rubʼiʼ ri Dios e ri Jehová.
  • Ri xqil chupa ri video, ¿saʼ utoʼik xuʼan che ri Soten echiriʼ xretaʼmaj rubʼiʼ ri Dios?

Echiriʼ kaqaaj kojuʼan ramigo junoq lik chirajawaxik kaqetaʼmaj rubʼiʼ. Chila alaaq Santiago 4:8a y chʼaʼta alaaq puwiʼ ri taq tzʼonobʼenik:

  • ¿Saʼ karaaj ri Jehová kaʼan laa?

  • We kaʼaj laa kaqiibʼ laa ruukʼ ri Dios, ¿suʼchaak nawi lik chirajawaxik ketaʼmaj laa y kabʼiʼij laa rubʼiʼ ri Dios?

RI KAKIBʼIʼIJ JUJUN CHIK: «Na iil ta uwach rubʼiʼ kaqabʼiʼij, ma xa jun Dios kʼolik».

  • ¿Kakoj nawi laa e rubʼiʼ ri Dios, Jehová?

  • ¿Saʼ rukʼutik kaʼan laa chike ri jujun chik chaʼ kaketaʼmaj lik chirajawaxik kaqabʼiʼij rubʼiʼ ri Dios, Jehová?

RI XMAJ LAA

Xa jun Dios kʼolik chilaʼ chikaaj, e ubʼiʼ waʼ Jehová. Rire karaaj kaqetaʼmaj y kaqabʼiʼij rubʼiʼ chaʼ kojuʼan ramigo.

Kojchʼaʼt che ri xmaj laa

  • ¿Suʼchaak nawi ri Jehová lik junwi chikiwach ri taq tyox kakiyak uqʼiij ri tikaweex?

  • ¿Suʼchaak nawi lik chirajawaxik kaqabʼiʼij rubʼiʼ ri Dios?

  • ¿Karaaj nawi ri Jehová kaʼan laa ramigo? ¿Suʼchaak nawi etaʼam laa waʼ?

Utz kaʼan laa waʼ

KAMAJ LAA MÁS

Chila laa woʼobʼ kʼutunik kuqʼalajisaj e ri Dios kʼolik.

“¿De veras existe Dios?” (Chila laa pa jw.org)

Maja laa suʼchaak kaqabʼiʼij e ri Dios xex kʼo wi.

“¿Quién hizo a Dios?” (La Atalaya, 1 de agosto de 2014)

Chila laa suʼchaak kaqabʼiʼij rubʼiʼ ri Dios tobʼ na qetaʼam taj saʼ rubʼiʼxik ojertan.

“¿Quién es Jehová?” (Chila laa pa jw.org)

¿Suʼchaak nawi lik chirajawaxik kaqabʼiʼij rubʼiʼ ri Dios? Chila laa suʼchaak kaqabʼiʼij e ri Dios kʼo ubʼiʼ.

“¿Cuántos nombres tiene Dios?” (Chila laa pa jw.org)

a Ri tzʼibʼital chupa ri apéndice A4 pa ri Biblia ubʼiʼ La Biblia. Traducción del Nuevo Mundo ketaʼmaj laa puwiʼ saʼ keʼelawi rubʼiʼ ri Dios y suʼchaak e kʼo jujun tikaweex kesaam rubʼiʼ ri Dios chupa ri Biblia.

    K’olib’al re ri taq wuuj achí Rabinal (2022-2025)
    Cerrar sesión
    Iniciar sesión
    • achí de rabinal
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Condiciones de uso
    • Política de privacidad
    • Configuración de privacidad
    • JW.ORG
    • Iniciar sesión
    Compartir